పాన్ ఇండియా రెబల్ స్టార్ ప్రభాస్, దర్శకుడు హను రాఘవపూడి కాంబినేషన్లో తెరకెక్కుతున్న ప్రతిష్టాత్మక చిత్రాల్లో ‘ఫౌజీ’ ( Fauzi) ఒకటి. హిస్టారికల్ వార్ బ్యాక్డ్రాప్లో రూపొందుతున్న ఈ సినిమాపై ప్రభాస్ అభిమానుల్లో ఇప్పటికే భారీ అంచనాలు నెలకొన్నాయి. ఈ అంచనాలకు తగ్గట్టుగానే మేకర్స్ సినిమాను గ్రాండ్ స్కేల్లో తెరకెక్కిస్తున్నట్లు తెలుస్తోంది.
స్వాతంత్ర్య దినోత్సవం సందర్భంగా విడుదల చేసిన తాజా పోస్టర్ సినిమాపై మరింత ఆసక్తిని పెంచింది. పోస్టర్లో ప్రభాస్తో పాటు మరో కీలక వ్యక్తి కనిపించడంతో సోషల్ మీడియాలో చర్చ మొదలైంది. ఆ లుక్ను గమనించిన పలువురు అభిమానులు ఆయన మహాత్మా గాంధీ పాత్ర అయి ఉండొచ్చని అభిప్రాయపడుతున్నారు. అయితే మేకర్స్ అధికారికంగా ప్రకటించే వరకు దీనిపై పూర్తి క్లారిటీ వచ్చే అవకాశం లేదు.
ఇదిలా ఉంటే, గాంధీజీ పాత్రలో బాలీవుడ్ వెర్సటైల్ యాక్టర్ అనుపమ్ ఖేర్ నటిస్తున్నట్లు సినీ వర్గాల్లో ప్రచారం జరుగుతోంది. ఈ పాత్రకు సంబంధించి మరో ఆసక్తికరమైన విషయం కూడా ప్రస్తుతం వైరల్ అవుతోంది.
అనుపమ్ ఖేర్తో కేవలం వృద్ధాప్యానికి సంబంధించిన సన్నివేశాలనే కాకుండా, ఆయన యుక్తవయసుకు సంబంధించిన కొన్ని కీలక సన్నివేశాలను కూడా దర్శకుడు హను రాఘవపూడి తెరకెక్కించినట్లు సమాచారం. దీంతో సినిమాలో ఈ పాత్రకు మంచి ప్రాధాన్యత ఉన్నట్లు తెలుస్తోంది.
చరిత్రాత్మక అంశాలను తనదైన స్టైల్లో ఎమోషనల్ డ్రామాతో మిళితం చేయడంలో పేరున్న హను రాఘవపూడి, ‘ఫౌజీ’ని కూడా చాలా డిటైలింగ్తో ప్లాన్ చేస్తున్నట్లు అర్థమవుతోంది. మరి సినిమాలో ఈ పాత్ర ఎలాంటి మలుపులు తీసుకురానుంది? ప్రభాస్ కథతో దాని కనెక్షన్ ఏంటి? అనేది తెలియాలంటే సినిమా విడుదల వరకు వేచి చూడాల్సిందే.
