దర్శకుడు త్రివిక్రమ్, యంగ్ టైగర్ ఎన్టీఆర్ కాంబినేషన్లో తెరకెక్కనున్న భారీ ప్రాజెక్ట్ (God of War) పై ఇప్పటికే భారీ అంచనాలు నెలకొన్నాయి. ప్రస్తుతం ఈ సినిమా కథ, స్క్రీన్ప్లేకు సంబంధించిన పనుల్లో త్రివిక్రమ్ బిజీగా ఉన్నట్లు తెలుస్తోంది. ఎన్టీఆర్ భుజానికి గాయం కావడంతో షూటింగ్ వాయిదా పడిన నేపథ్యంలో, ఈ సమయాన్ని స్క్రిప్ట్ను మరింత పకడ్బందీగా తీర్చిదిద్దేందుకు త్రివిక్రమ్ ఉపయోగించుకుంటున్నారట.
ఈ క్రమంలో తెలుగు తెరపై ఇంతకుముందెన్నడూ చూడని ఓ సరికొత్త ప్రపంచాన్ని ప్రేక్షకులకు పరిచయం చేసేలా సినిమా విజువల్స్, వీఎఫ్ఎక్స్పై త్రివిక్రమ్ ప్రత్యేక దృష్టి పెట్టినట్లు సమాచారం. కథకు తగ్గట్టుగా భారీ సెట్స్తో పాటు అత్యున్నత స్థాయి విజువల్ ఎఫెక్ట్స్ను ఉపయోగించేందుకు ప్రణాళికలు సిద్ధం చేస్తున్నట్లు టాక్.
‘డ్రాగన్’ తర్వాత ఎన్టీఆర్ చేయనున్న సినిమా కావడం, ఆయన కెరీర్లోనే అత్యంత భారీ ప్రాజెక్ట్గా నిలిచే అవకాశం ఉండటం ఈ సినిమాపై ఆసక్తిని మరింత పెంచుతోంది. అంతేకాకుండా మైథలాజికల్ బ్యాక్డ్రాప్లో తెరకెక్కనున్న పాన్ ఇండియా చిత్రంగా దీనిని భారీ స్థాయిలో రూపొందించేందుకు మేకర్స్ సన్నాహాలు చేస్తున్నట్లు తెలుస్తోంది.
ఇక ఈ సినిమా త్రివిక్రమ్ డ్రీమ్ ప్రాజెక్ట్గా కూడా ప్రచారం జరుగుతోంది. సుబ్రహ్మణ్య స్వామి కథతో పాటు, ఆయన పాత్రలోని దైవత్వాన్ని, శక్తిని బలంగా ఆవిష్కరించేలా స్క్రిప్ట్లో పలు మార్పులు, చేర్పులు చేస్తున్నట్లు సినీ వర్గాల్లో చర్చ జరుగుతోంది. కథలోని మైథలాజికల్ అంశాలను ఆధునిక సాంకేతికతతో మేళవించి ప్రేక్షకులకు సరికొత్త అనుభూతిని అందించాలనే ఉద్దేశంతో త్రివిక్రమ్ పనిచేస్తున్నట్లు సమాచారం.
కాగా, ఈ భారీ చిత్రాన్ని హారిక అండ్ హాసిని క్రియేషన్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. భారీ బడ్జెట్తో తెరకెక్కనున్న ఈ ప్రాజెక్ట్కు సంబంధించిన మరిన్ని వివరాలు అధికారికంగా వెలువడాల్సి ఉంది.
