రాకింగ్ స్టార్ మంచు మనోజ్ హీరోగా తెరకెక్కుతున్న పీరియాడికల్ యాక్షన్ మూవీ ‘డేవిడ్ రెడ్డి’ (David Reddy) షూటింగ్ శరవేగంగా సాగుతోంది. హనుమరెడ్డి యక్కంటి దర్శకత్వంలో రూపొందుతున్న ఈ చిత్రానికి సంబంధించి ప్రస్తుతం క్లైమాక్స్ షూటింగ్ కోసం సన్నాహాలు జరుగుతున్నట్లు తెలుస్తోంది.
సినిమాలో కీలకంగా నిలిచే క్లైమాక్స్ను భారీ యాక్షన్ ఎపిసోడ్స్తో తెరకెక్కించనున్నట్లు సమాచారం. ఈ యాక్షన్ సీక్వెన్స్ను రాయలసీమ ప్రాంతంలోని రాజంపేటలో చిత్రీకరించేందుకు మేకర్స్ ప్లాన్ చేస్తున్నట్లు తెలుస్తోంది. ముఖ్యంగా మంచు మనోజ్ చేసే యాక్షన్ సన్నివేశాలు సినిమా మొత్తానికి ప్రధాన ఆకర్షణగా నిలవనున్నాయని సమాచారం.
ఇక ‘డేవిడ్ రెడ్డి’ కథ విషయానికొస్తే.. స్వాతంత్ర్యానికి పూర్వం జరిగిన కాలం నేపథ్యంలో ఈ సినిమా తెరకెక్కుతోంది. బ్రిటిష్ పాలనకు వ్యతిరేకంగా పోరాడిన ‘డేవిడ్ రెడ్డి’ అనే యోధుడి జీవిత కథ ఆధారంగా ఈ చిత్రాన్ని రూపొందిస్తున్నట్లు తెలుస్తోంది.
ఈ సినిమా కోసం ప్రత్యేకంగా ‘వార్ డాగ్’ అనే భారీ బైక్ను కూడా రూపొందించారు. దాదాపు 700 కిలోల బరువున్న ఈ బైక్ సినిమాలో ప్రత్యేక ఆకర్షణగా నిలవనుంది. అలాగే మంచు మనోజ్ సరసన కోలీవుడ్ చిత్రం ‘ప్రిన్స్’ ఫేమ్ మరియా హీరోయిన్గా నటించనుంది.
భారీ యాక్షన్ సన్నివేశాలు, పీరియాడికల్ బ్యాక్డ్రాప్, ప్రత్యేకంగా రూపొందించిన బైక్తో ‘డేవిడ్ రెడ్డి’పై ప్రేక్షకుల్లో ఆసక్తి నెలకొంది.
