మెగాస్టార్ చిరంజీవి, దర్శకుడు బాబీ కొల్లి కాంబినేషన్లో తెరకెక్కుతున్న సినిమాపై మెగా అభిమానుల్లో భారీ అంచనాలు ఉన్నాయి. చిరంజీవి కెరీర్లో 158వ (Mega158) చిత్రంగా రూపొందుతున్న ఈ మూవీకి సంబంధించిన తాజా అప్డేట్స్ కోసం అభిమానులు ఆసక్తిగా ఎదురుచూస్తున్నారు. ప్రస్తుతం హైదరాబాద్లో ఈ సినిమా షూటింగ్ శరవేగంగా కొనసాగుతున్నట్లు తెలుస్తోంది.
ప్రస్తుతం రామ్–లక్ష్మణ్ మాస్టర్స్ పర్యవేక్షణలో భారీ యాక్షన్ సన్నివేశాలను చిత్రీకరిస్తున్నట్లు సమాచారం. పెద్ద సంఖ్యలో ఫైటర్లతో ఈ యాక్షన్ సీక్వెన్స్లను గ్రాండ్గా తెరకెక్కిస్తున్నట్లు తెలుస్తోంది. ఇదిలా ఉంటే, వచ్చే వారం నుంచి సినిమాలోని స్పెషల్ సాంగ్ షూటింగ్ ప్రారంభం కానున్నట్లు టాక్.
ఈ స్పెషల్ సాంగ్లో చిరంజీవి పూర్తిగా స్టైలిష్ లుక్లో కనిపించనున్నారని సమాచారం. ఇప్పటికే ఈ సాంగ్ కోసం ఆయన లుక్ను చిత్రబృందం లాక్ చేసినట్లు తెలుస్తోంది. మెగాస్టార్ స్టైల్, ఎనర్జీకి తగ్గట్టుగా ఈ పాటను గ్రాండ్గా తెరకెక్కించనున్నారని, ఈ సాంగ్ విడుదలైతే సినిమాపై అంచనాలు మరింత పెరిగే అవకాశం ఉందని సినీ వర్గాల్లో చర్చ జరుగుతోంది.
ఇక ఈ సినిమాలో చిరంజీవి పాత్రలో అనేక వేరియేషన్స్ ఉంటాయని సమాచారం. కథలో ఫ్యామిలీ ఎమోషన్స్కు కూడా కీలక ప్రాధాన్యత ఉండనుందని తెలుస్తోంది. చిరంజీవిని ఇంతకుముందెన్నడూ చూడని విధంగా కొత్తగా చూపించాలనే ఉద్దేశంతో దర్శకుడు బాబీ ఈ కథను సిద్ధం చేసినట్లు సమాచారం.
ఈ చిత్రాన్ని KVN ప్రొడక్షన్స్ బ్యానర్పై వెంకట్ కె. నారాయణ, లోహిత్ భారీ బడ్జెట్తో నిర్మిస్తున్నారు. చిరంజీవి, బాబీ కాంబినేషన్లో గతంలో వచ్చిన ‘వాల్తేరు వీరయ్య’ ఘన విజయం సాధించిన విషయం తెలిసిందే. దీంతో ఈ తాజా ప్రాజెక్ట్పై కూడా భారీ అంచనాలు నెలకొన్నాయి. థమన్ ఈ చిత్రానికి సంగీతం అందిస్తున్నారు.
