మెగాస్టార్ చిరంజీవి ఈ ఏడాది ఇప్పటికే ప్రేక్షకులను అలరించిన సెన్సేషనల్ హిట్ తో సక్సెస్ ట్రాక్ లో కొనసాగుతున్నారు. ఈ సినిమా తర్వాత ‘విశ్వంభర’తో మళ్లీ ఆడియన్స్ ముందుకు రానున్నారు. ఆ తరువాత ఆయన చేయనున్న 158వ సినిమా తన బ్లాక్ బస్టర్ కాంబినేషన్ దర్శకుడు కొల్లి బాబీ తో ఉండనుందని తెలిసిందే.
అయితే ఈ ప్రాజెక్ట్ ఇప్పటికే ప్రారంభం కావాల్సి ఉన్నప్పటికీ, కొన్ని కారణాల వల్ల ముహూర్తం ఇంకా ఖరారు కాలేదు. ఈ గ్యాప్ లో ఈ సినిమా గురించి కొన్ని రూమర్స్ సోషల్ మీడియాలో హల్ చల్ చేశాయి. ముఖ్యంగా నిర్మాణ సంస్థ కే వి ఎన్ ప్రొడక్షన్స్ ఈ ప్రాజెక్ట్ నుంచి తప్పుకున్నారనే వార్తలు ఆశ్చర్యం కలిగించాయి.
కానీ తాజా సమాచారం ప్రకారం, ఆ రూమర్స్ లో ఎలాంటి నిజం లేదని స్పష్టత వచ్చింది. చిరు – బాబీ కాంబినేషన్ లో సినిమా ఖచ్చితంగా ఉంటుందని, మేకర్స్ ఈ ప్రాజెక్ట్ ను అత్యంత ప్రతిష్టాత్మకంగా నిర్మించనున్నారని కన్ఫర్మ్ అయ్యింది. అంతేకాదు, సినిమా ముహూర్తం మరియు షూటింగ్ కు సంబంధించిన వివరాలు కూడా త్వరలోనే ప్రకటించనున్నట్లు మెగా క్యాంప్ స్పష్టం చేసింది.
మొత్తానికి Mega 158 చుట్టూ వినిపించిన రూమర్స్ అన్నీ నిరాధారమైనవేనని చెప్పవచ్చు.