అక్కినేని అభిమానులు, ముఖ్యంగా కింగ్ నాగార్జున ఫ్యాన్స్ ఎంతో ఆసక్తిగా ఎదురుచూస్తున్న King 100 నుంచి ఓ క్రేజీ అప్డేట్ బయటకు వచ్చింది. వెర్సటైల్ నటి టబు ఈ ప్రతిష్టాత్మక ప్రాజెక్ట్లో భాగం కాబోతున్నారనే వార్త ఇప్పుడు టాక్ ఆఫ్ ద టౌన్ గా మారింది.
తాజాగా టబు షూటింగ్లో పాల్గొన్నట్లు మేకర్స్ అధికారికంగా ప్రకటించారు. “Welcome Back To Home” అంటూ చిత్ర బృందం ఆమెకు స్వాగతం పలుకుతూ పోస్ట్ చేయడం విశేషం. గతంలో నాగార్జున – టబు కాంబినేషన్ ప్రేక్షకులను ఎంతగా ఆకట్టుకుందో ప్రత్యేకంగా చెప్పనవసరం లేదు. ‘నిన్నే పెళ్ళాడతా’, ‘ఆవిడా మా ఆవిడే’ వంటి సినిమాలు వీరి జోడీలో సెన్సేషన్ క్రియేట్ చేశాయి. ముఖ్యంగా ‘నిన్నే పెళ్ళాడతా’ ఇండస్ట్రీ హిట్ గా నిలిచింది. అలాగే ‘సిసింద్రీ’లో కూడా నాగార్జునతో కలిసి టబు మెరిసింది.
దాదాపు 28 ఏళ్ల తర్వాత ఈ హిట్ జోడీ మళ్లీ తెరపై కనిపించబోతుండటంతో నాగార్జున 100వ సినిమాపై అంచనాలు ఆకాశాన్ని తాకుతున్నాయి. ఈ చిత్రానికి కార్తీక్ దర్శకత్వం వహిస్తున్నారు. ఇప్పటికే షూటింగ్ ఎక్కువ భాగం సైలెంట్ గా పూర్తైనట్టు టాక్ వినిపిస్తోంది. అతి త్వరలోనే ఫస్ట్ లుక్ మరియు టైటిల్ పోస్టర్ను విడుదల చేయనున్నారనే సమాచారం కూడా ఆసక్తిని పెంచుతోంది. ప్రస్తుతం ఈ సినిమాను ‘King 100’ అనే వర్కింగ్ టైటిల్తో పిలుస్తున్నారు.
ఇక నాగార్జున కెరీర్ విషయానికి వస్తే, గతేడాది ‘కుబేర’లో కీలక పాత్ర పోషించి సూపర్ హిట్ అందుకున్నారు. అలాగే రజినీకాంత్ నటించిన ‘కూలీ’లో ఫుల్ లెంగ్త్ విలన్గా కనిపించారు. అయితే ఆ సినిమా అనుకున్న స్థాయిలో ఫలితం అందుకోలేకపోయింది.
మొత్తానికి, టబు రీఎంట్రీతో King 100 పై హైప్ మరింత పెరిగిందని చెప్పొచ్చు.