టాలీవుడ్ ఎవర్గ్రీన్ మన్మథుడు అక్కినేని నాగార్జున తన కెరీర్లో ఎంతో ప్రతిష్టాత్మకమైన 100వ (King 100) ప్రాజెక్ట్తో ప్రేక్షకుల ముందుకు రాబోతున్న సంగతి తెలిసిందే. ‘కింగ్ 100’ అనే వర్కింగ్ టైటిల్తో తెరకెక్కుతున్న ఈ సినిమాపై అక్కినేని అభిమానులతో పాటు టాలీవుడ్లోనూ భారీ అంచనాలు ఉన్నాయి. తాజాగా నాగార్జున పుట్టినరోజు సందర్భంగా ఈ మూవీ నుంచి మేకర్స్ గ్లింప్స్ను విడుదల చేశారు.
ఇప్పటివరకు ఈ సినిమాపై ఉన్న అంచనాలకు తగ్గట్టుగానే గ్లింప్స్ ఉండటమే కాకుండా, రెగ్యులర్ కమర్షియల్ సినిమాలకు భిన్నంగా ఫ్రెష్ కాన్సెప్ట్తో కనిపించింది. ‘మనుషులు రెండు రకాలు.. డబ్బున్నోళ్లు, డబ్బులేనోళ్లు’ అనే ఇంట్రెస్టింగ్ పాయింట్తో గ్లింప్స్ను ప్రారంభించారు. ఆ తర్వాత నాగార్జున డబ్బుతో ఆడే ఆట చుట్టూ కథ సాగబోతుందనే ఆసక్తిని కలిగించారు.
దర్శకుడు కార్తీక్ ఈ సినిమాను చాలా స్టైలిష్గా, రిచ్ విజువల్స్తో తెరకెక్కించినట్లు గ్లింప్స్ చూస్తే అర్థమవుతోంది. ముఖ్యంగా నాగార్జున లుక్ సినిమాకు ప్రత్యేక ఆకర్షణగా నిలిచింది. తన సిగ్నేచర్ హ్యాండ్సమ్ లుక్లో కనిపిస్తూనే, మరింత యంగ్ అండ్ స్టైలిష్ అవతార్లో నాగ్ ఆకట్టుకున్నారు.
ఇక దేవిశ్రీ ప్రసాద్ అందించిన బ్యాక్గ్రౌండ్ స్కోర్ కూడా గ్లింప్స్కు మంచి ఎనర్జీని తీసుకొచ్చింది. విజువల్స్, నాగార్జున లుక్, మ్యూజిక్, స్టైలిష్ టేకింగ్ కలిపి గ్లింప్స్ సినిమాపై ఆసక్తిని మరింత పెంచేలా ఉంది.
మొత్తానికి మాస్, స్టైల్, మనీ గేమ్ను మిక్స్ చేస్తూ వచ్చిన ‘కింగ్ 100’ గ్లింప్స్ ప్రేక్షకుల దృష్టిని ఆకర్షించింది. ఇక ఈ చిత్రాన్ని ఈ ఏడాది డిసెంబర్ 24న క్రిస్మస్ కానుకగా థియేటర్లలో విడుదల చేయనున్నట్లు మేకర్స్ అధికారికంగా ప్రకటించారు. నాగార్జున కెరీర్లో 100వ సినిమా కావడంతో ఈ మూవీపై మరింత ప్రత్యేకమైన అంచనాలు నెలకొన్నాయి.
