కోలీవుడ్ లో ప్రతిభావంతమైన హీరోలలో ఒకరైన ధనుష్ హీరోగా, మమితా బైజు హీరోయిన్ గా, దర్శకుడు విగ్నేష్ రాజా తెరకెక్కించిన చిత్రం ‘కర’. ఈ మూవీ తమిళంతో పాటు తెలుగులో కూడా డబ్బింగ్ అయి విడుదలకు సిద్ధమవుతోంది. ఇప్పటికే ఈ సినిమా తెలుగు ప్రీ రిలీజ్ ఈవెంట్ ఘనంగా జరిగింది.
తాజాగా మేకర్స్ విడుదల చేసిన తెలుగు ట్రైలర్ ప్రేక్షకులను ఆకట్టుకుంటోంది. ఈ ట్రైలర్ లో ధనుష్ ఒక దొంగ పాత్రలో కనిపిస్తూ ఇంటెన్స్ ఇంపాక్ట్ ఇస్తున్నాడు. గల్ఫ్ దేశాల్లో మారుతున్న పరిస్థితులు మన దేశంలో ఎలా ప్రభావం చూపించాయనే అంశంతో కథ ప్రారంభమై, ధనుష్ పాత్ర చుట్టూ ఆసక్తికర సన్నివేశాలతో ముందుకు సాగుతుంది. ‘కర’ పాత్రలో ధనుష్ తనదైన శైలిలో గట్టైన పెర్ఫామెన్స్ ఇచ్చినట్టు ట్రైలర్ చూస్తేనే అర్థమవుతోంది.
ఇక మమితా బైజు ధనుష్ భార్య పాత్రలో డీ గ్లామ్ లుక్ లో కనిపిస్తూ, ఆమె కూడా మంచి నటన కనబరుస్తుందనే సంకేతాలు ట్రైలర్ లో కనిపిస్తున్నాయి. సంగీతం, కెమెరా వర్క్ కూడా సినిమా మూడ్ కి తగ్గట్టుగా సహజంగా ఆకట్టుకుంటున్నాయి. ఈసారి ధనుష్ ప్రేక్షకులకు ఎలాంటి ట్రీట్ ఇవ్వబోతున్నాడో తెలుసుకోవాలంటే ఏప్రిల్ 30 వరకు ఆగాల్సిందే.