మెగాస్టార్ చిరంజీవి కెరీర్లో (Mega 158) 158వ సినిమాను ఇటీవలే ఘనంగా లాంచ్ చేశారు. ఈ ముహూర్త కార్యక్రమానికి సంబంధించిన కొన్ని వీడియో క్లిప్స్ ఇప్పుడు సోషల్ మీడియాలో తెగ వైరల్ అవుతున్నాయి. ముఖ్యంగా ఈ ఈవెంట్కు పవర్ స్టార్ పవన్ కళ్యాణ్తో పాటు ఆయన వీరాభిమాని, నిర్మాత బండ్ల గణేష్ హాజరవడం ప్రత్యేక ఆకర్షణగా నిలిచింది.
అయితే ఈ వేదికపై చిరంజీవి చూపించిన తనదైన హ్యూమర్ ఇప్పుడు హాట్ టాపిక్ అయింది. పవన్, బండ్ల ఇద్దరూ మాట్లాడుకుంటుండగా చిరు మధ్యలో కలుగజేసుకుని, “దేవుడికి భక్తుడికి మధ్యలో నేనెందుకు?” అంటూ వేసిన ఇన్స్టంట్ సెటైర్ సభంతా నవ్వులతో నింపింది. ఈ ఒక్క డైలాగ్తో చిరు టైమింగ్ ఏ లెవెల్లో ఉందో మరోసారి ప్రూవ్ అయింది.
ఇప్పటికే ఈ సరదా క్షణం వీడియోగా మారి సోషల్ మీడియాలో చక్కర్లు కొడుతోంది. అభిమానులు చిరంజీవి కామెడీ టైమింగ్ను తెగ ఎంజాయ్ చేస్తూ షేర్ చేస్తున్నారు. మెగాస్టార్ స్టేజ్పై ఉంటే నవ్వులు ఖాయమే అన్నట్టు, ఈసారి కూడా ఆయన తన మాటలతో ఈవెంట్కు స్పెషల్ హైలైట్గా నిలిచారు.