టాలీవుడ్లో ఈ మధ్యకాలంలో అత్యంత ఆసక్తిగా ఎదురుచూస్తున్న సినిమాల్లో ‘పెద్ది’ (Peddi) ఒకటి. భారీ అంచనాల మధ్య దర్శకుడు బుచ్చిబాబు సానా తెరకెక్కిస్తున్న ఈ చిత్రంలో మెగా పవర్ స్టార్ రామ్ చరణ్ లీడ్ రోల్లో నటిస్తున్నారు. సినిమా నుంచి ఇప్పటివరకు రిలీజైన ప్రతి అప్డేట్ మంచి స్పందననే తెచ్చుకుంది. పాటలు, టీజర్, పోస్టర్లు అన్నీ హైప్ పెంచాయి. కానీ ఇటీవల విడుదలైన ట్రైలర్ మాత్రం ప్రేక్షకులను పూర్తిగా సంతృప్తిపర్చలేకపోయిందన్న అభిప్రాయం ఎక్కువగా వినిపిస్తోంది.
ఈ నేపథ్యంలో ‘పెద్ది’కి మరో ట్రైలర్ అవసరం అన్న డిమాండ్ అభిమానుల్లో బలంగా వినిపిస్తోంది. ట్రైలర్లో మరింత స్టోరీ, ఎమోషన్ లేదా పవర్ఫుల్ మాస్ ఎలిమెంట్స్ చూపిస్తే బజ్ ఇంకాస్త పెరుగుతుందన్నది వారి ఆశ. అయితే ప్రస్తుతం మేకర్స్ నుంచి రెండో ట్రైలర్పై ఎలాంటి స్పష్టమైన సంకేతాలు కనిపించడం లేదు.
సాధారణంగా తెలుగు సినిమాల్లో గ్రాండ్ ప్రీ రిలీజ్ ఈవెంట్ టైమ్లో లేదా విడుదలకు దగ్గరగా మరో ట్రైలర్ లేదా స్పెషల్ కట్ను రిలీజ్ చేసే ట్రెండ్ ఉంటుంది. ఆ స్ట్రాటజీని ‘పెద్ది’ టీమ్ కూడా ఫాలో అవుతుందా లేదా అనేది వేచి చూడాల్సిందే. ఇప్పటికైతే రెండో ట్రైలర్పై అధికారిక క్లారిటీ రావాల్సి ఉంది. రిలీజ్ దగ్గర పడే కొద్దీ మేకర్స్ ఏ నిర్ణయం తీసుకుంటారో చూడాలి.