మెగాస్టార్ చిరంజీవి నటించిన లేటెస్ట్ చిత్రం ‘మన శంకర వరప్రసాద్ గారు’ సెన్సేషనల్ హిట్గా నిలిచిన సంగతి తెలిసిందే. ఆ విజయ ఉత్సాహంతోనే చిరు ఈ ఏడాదిలో మరో క్రేజీ ప్రాజెక్ట్ను స్టార్ట్ చేసేశారు. దర్శకుడు బాబీ దర్శకత్వంలో తెరకెక్కుతున్న ఈ సినిమాను గ్రాండ్ లెవెల్లో లాంచ్ చేసి, మరుసటి రోజే షూటింగ్ మొదలుపెట్టారు. ప్రస్తుతం ఈ ప్రాజెక్ట్ ఫుల్ స్వింగ్లో దూసుకెళ్తోంది.
అయితే ఇక్కడే ఫ్యాన్స్కు ఒక చిన్న కన్ఫ్యూజన్. ఈ రెండు సినిమాల కంటే ముందే ప్రారంభమై, షూటింగ్ కూడా పూర్తయ్యిన భారీ ఫాంటసీ చిత్రం విశ్వంభర పరిస్థితి ఏంటన్నదే ఇప్పుడు చర్చగా మారింది. ఈ సినిమా ఇంకా విడుదల కాకపోవడమే కాదు, కనీసం రిలీజ్ డేట్పై కూడా స్పష్టత లేకపోవడం అభిమానులను నిరాశపరుస్తోంది. దీంతో ఈ ప్రాజెక్ట్పై బజ్ క్రమంగా తగ్గిపోతున్నట్టు కనిపిస్తోంది.
ఇప్పటికే ‘సమ్మర్ రిలీజ్’ అని ఒకసారి కన్ఫర్మ్ చేసినప్పటికీ, ప్రస్తుత పరిస్థితుల్లో ఆ రేస్లోకి వచ్చే ఛాన్స్ కనిపించడం లేదు. కనీసం విడుదల ఎప్పుడన్నదైనా అధికారికంగా చెప్పితే, ఫ్యాన్స్ కూడా మెంటల్గా ప్రిపేర్ అవుతారు. మరి ఇంత ఆలస్యం వెనుక అసలు కారణం ఏంటి అన్నది మేకర్స్ త్వరగా రివీల్ చేయాల్సిన అవసరం ఉంది.