దక్షిణాది సినిమాల్లో భారీ ఫ్యాన్ బేస్ ఉన్న స్టార్స్లో తెలుగులో పవర్ స్టార్ పవన్ కళ్యాణ్ (Pawan Kalyan), తమిళంలో దళపతి విజయ్ (Vijay) ముందువరుసలో ఉంటారు. వీరి సినిమాలకు వచ్చే క్రేజ్, సోషల్ మీడియాలో కనిపించే హడావిడి చూస్తే ఇద్దరి స్టామినా దాదాపు సమానమే అనిపిస్తుంది. కానీ రాజకీయ రంగంలో అడుగుపెట్టిన తర్వాత మాత్రం ఈ ఇద్దరికీ పూర్తిగా భిన్నమైన ఫలితాలు ఎదురయ్యాయి.
విజయ్ తన తొలి రాజకీయ ప్రయాణంలోనే విజయం సాధించి సీఎం కుర్చీ వరకు చేరగా, పవన్ కళ్యాణ్ మాత్రం ఎన్నో ఒడిదుడుకులు, పరాజయాలు దాటుకొని ఇప్పుడు డిప్యూటీ సీఎం స్థాయికి వచ్చారు. ఈ నేపథ్యంలో విజయ్ విజయం తనలో అసూయను కలిగించిందని పవన్ ఓపెన్గా చెప్పిన మాటలు ఇప్పుడు పెద్ద చర్చకే దారి తీశాయి. విజయ్ కటౌట్లు, హోలోగ్రామ్లు, అభిమానుల ఏకతాటిపై నిలబడ్డ మద్దతే అతడిని గెలిపించిందని పవన్ వ్యాఖ్యానించారు.
అలాగే తన రాజకీయ ప్రయాణం గురించి మాట్లాడుతూ, తాను 15 ఏళ్లుగా కష్టపడుతున్నా ఇంకా ఈ స్థాయికి చేరానని అన్నారు. ఇక్కడే అభిమానుల మధ్య ఉన్న రియాలిటీని కూడా ఆయన స్పష్టంగా చెప్పేశారు. విజయ్ అభిమానులు పూర్తిగా ఏకమై తమ హీరోను గెలిపించుకున్నారని, కానీ తన అభిమానులు మాత్రం వర్గాలుగా విడిపోయారని పవన్ వ్యాఖ్యలు చేశారు. ఈ నిజాయితీ మాటలు కొంతమందికి చేదుగా అనిపించినా, పవన్ నుంచి వచ్చిన ఈ ఊహించని స్టేట్మెంట్ ఇప్పుడు సోషల్ మీడియాలో వైరల్ అవుతోంది.