టాలీవుడ్ మ్యాచో హీరో గోపిచంద్ హీరోగా మాళవిక శర్మ హీరోయిన్ గా కన్నడ మాస్ దర్శకుడు హర్ష తెరకెక్కించిన సాలిడ్ యాక్షన్ మూవీ నే “భీమా”. మాస్ ఆడియెన్స్ ను టార్గెట్ చేస్తూ రిలీజ్ అయ్యిన ఈ మూవీ గోపిచంద్ కెరీర్ లో మరో సాలిడ్ మాస్ ప్రాజెక్ట్ గా నిలిచింది. అయితే ఈ శివరాత్రి కానుకగా వచ్చిన ఈ మూవీ అనుకున్న స్థాయిలో రాణించలేదు. మరి ఇప్పుడు ఫైనల్ గా ఓటీటీ రిలీజ్ డేట్ ను లాక్ చేసుకున్నట్లుగా రూమర్స్ వినిపిస్తున్నాయి.
దీని ప్రకారం ఈ మూవీ ఈ ఏప్రిల్ 5 నుంచి స్ట్రీమింగ్ కు రానున్నట్టుగా వినికిడి. ఈ మూవీ ఓటీటీ హక్కులు స్ట్రీమింగ్ యాప్ హాట్ స్టార్ వారు సొంతం చేసుకున్న సంగతి తెలిసిందే. మరి ఇందులో ఆరోజు నుంచి రానున్నట్టుగా సమాచారం. ఇక దీనిపై అఫీషియల్ క్లారిటీ రావాల్సి ఉంది. మరి ఈ మూవీ కి రవి బసృర్ సంగీతం అందించగా వెన్నెల కొషోర్, నాజర్ తదితరులు ముఖ్య పాత్రల్లో నటించారు. అలాగే శ్రీ సత్యసాయి ఆర్ట్స్ వారు నిర్మాణం వహించారు.
