మీకు ట్రావెల్ చేయడం అంటే భలే ఇష్టమా? అయితే మీకోసం ఒక అదిరిపోయే ఆఫర్ ఒకటి అందుబాటులో ఉంది. ఇండియన్ రైల్వేస్‌కు చెందిన ఆన్‌లైన్ టికెట్ బుకింగ్ విభాగం ఐఆర్‌సీటీసీ ఒక ఆఫర్ తీసుకువచ్చింది. ఇందులో భాగంగా మీరు లక్ష రూపాయలు గెలుచుకోవచ్చు.
ఐఆర్‌సీటీసీ ఒక ప్రత్యేకమైన కాంటెస్ట్ నిర్వహిస్తోంది. ట్విట్టర్ వేదికగా ఐఆర్‌సీటీసీ ఈ విషయాన్ని వెల్లడించింది. ఈ కాంటెస్ట్‌లో భాగంగా మీరు వీడియో చేయాల్సి ఉంటుంది. ఇండియన్ రైల్వేస్, లేదంటే రైల్వేస్‌కు సంబంధించిన టికెటింగ్, కేటరింగ్, టూరిజం, ఎయిర్, చాట్‌బాట్, టూరిస్ట్ ప్లేసుల మీద వీడియోలు చేయొచ్చు.
ఆగస్ట్ 31 వరకే ఈ ఛాన్స్ అందుబాటులో ఉంటుంది. పోటీలో టాప్ 3లో నిలిచిన వారికి బహుమతులు అందిస్తారు. తొలి విజేతకు రూ.లక్ష, సర్టిఫికెట్, ట్రోఫీ ఇస్తారు. సెకండ్ ప్లేస్‌లో ఉన్న వారికి రూ.50 వేలు, సర్టిఫికెట్, ట్రోఫీ లభిస్తాయి. మూడో స్థానంలో నిలిచిన వారికి రూ.25 వేలు, సర్టిఫికెట్, ట్రోఫీ వస్తాయి.
దాదాపు 300 మందిని విజేతలుగా ప్రకటిస్తారు. మిగిలిన వారికి రూ.500 గిఫ్ట్ కార్డు, సర్టిఫికెట్ లభిస్తాయి. ఒక వ్యక్తి ఒకటి కన్నా ఎక్కువ వీడియోలు సమర్పించొచ్చు. ఎంపికైన వీడియోలు ఐఆర్‌సీటీసీ అధికారిక ఛానల్స్‌లో అప్‌లోడ్ చేస్తారు. వీడియో నిడివి కనీసం ఒక నిమిషం ఉండాలి.