సూపర్స్టార్ రజినీకాంత్, దర్శకుడు నెల్సన్ దిలీప్కుమార్ కాంబినేషన్లో తెరకెక్కుతున్న ‘జైలర్ 2’పై (Jailer 2) ఇప్పటికే భారీ అంచనాలు నెలకొన్నాయి. అక్టోబర్ 15న ప్రేక్షకుల ముందుకు రానున్న ఈ సినిమా నుంచి ఫస్ట్ సింగిల్ ‘అలా బొలేలో’ గ్లింప్స్ను మేకర్స్ తాజాగా విడుదల చేశారు. అనిరుధ్ రవిచందర్ సంగీతం అందించిన ఈ మలయాళ ఫ్లేవర్ ఉన్న ఐటమ్ సాంగ్ ప్రోమో ప్రస్తుతం సోషల్ మీడియాలో చర్చనీయాంశంగా మారింది.
గ్లింప్స్లో నటి పూర్ణ డాన్స్తో పాటు రజినీకాంత్ తనదైన స్టైల్లో వేసిన స్వాగ్ వాక్ ప్రత్యేక ఆకర్షణగా నిలిచాయి. అనిరుధ్ అందించిన మ్యూజిక్ కూడా పాటపై ఆసక్తిని పెంచుతోంది. ‘అలా బొలేలో’ పూర్తి పాటను ఆగస్టు 21న విడుదల చేయనున్నట్లు చిత్రబృందం ప్రకటించింది.
అయితే ఈ గ్లింప్స్కు సోషల్ మీడియాలో మిశ్రమ స్పందన వస్తోంది. ‘జైలర్’ సినిమాలోని ‘కావాలయ్య’ పాటకు తమన్నా భారీ క్రేజ్ తీసుకొచ్చిన నేపథ్యంలో, ‘అలా బొలేలో’లో పూర్ణ అదే స్థాయిలో ఇంపాక్ట్ క్రియేట్ చేస్తారా అనే చర్చ జరుగుతోంది. మరోవైపు, గ్లింప్స్లో అనిరుధ్ వాయిస్ అంతగా క్యాచీగా అనిపించలేదంటూ కొందరు నెటిజన్లు కామెంట్స్ చేస్తున్నారు.
అయితే కేవలం కొన్ని సెకన్ల గ్లింప్స్ను చూసి పాటపై తుది నిర్ణయానికి రావడం తొందరపాటే. ఆగస్టు 21న పూర్తి పాట విడుదలైన తర్వాతే ‘అలా బొలేలో’కు ప్రేక్షకుల నుంచి ఎలాంటి స్పందన వస్తుందో స్పష్టమవుతుంది. మరి ఇది ‘కావాలయ్య’ తరహాలో సెన్సేషన్ క్రియేట్ చేస్తుందా లేదా అనేది చూడాలి.
