మాస్ మహారాజా రవితేజ అభిమానులకు అదిరిపోయే ట్రీట్ సిద్ధమైంది. ఆయన కెరీర్లో బ్లాక్బస్టర్ హిట్గా నిలిచిన ‘మిరపకాయ్’ (Mirapakay Re-Release) మరోసారి థియేటర్లలో సందడి చేయబోతోంది. 2026 సెప్టెంబర్ 18న ఈ చిత్రాన్ని 4K డిజిటల్ వెర్షన్లో గ్రాండ్గా రీ-రిలీజ్ చేయనున్నట్లు కేదార్ ఫిల్మ్స్ అధికారికంగా ప్రకటించింది.
హరీష్ శంకర్ దర్శకత్వం వహించిన ఈ చిత్రాన్ని రమేష్ పుప్పాల నిర్మించారు. రవితేజ సరసన రీచా గంగోపాధ్యాయ్, దీక్షా సేథ్ హీరోయిన్లుగా నటించారు. అప్పట్లో బాక్సాఫీస్ వద్ద ఘన విజయం సాధించిన ‘మిరపకాయ్’, తన మాస్ ఎలిమెంట్స్తో ప్రేక్షకులను విపరీతంగా ఆకట్టుకుంది.
ముఖ్యంగా రవితేజ ఎనర్జిటిక్ పెర్ఫార్మెన్స్, కామెడీ టైమింగ్, హరీష్ శంకర్ టేకింగ్ సినిమాకు ప్రధాన బలంగా నిలిచాయి. థమన్ అందించిన పాటలు, బ్యాక్గ్రౌండ్ స్కోర్ కూడా సినిమాకు మరింత ఊపునిచ్చాయి. ఆదిత్య మ్యూజిక్ ద్వారా విడుదలైన పాటలు ఇప్పటికీ అభిమానులను అలరిస్తూనే ఉన్నాయి.
చాలా ఏళ్ల తర్వాత ఈ మాస్ ఎంటర్టైనర్ను 4K క్వాలిటీలో బిగ్ స్క్రీన్పై చూసే అవకాశం రావడంతో రవితేజ అభిమానుల్లో అప్పుడే సందడి మొదలైంది. సెప్టెంబర్ 18న ‘మిరపకాయ్’ మరోసారి థియేటర్లలో మాస్ జాతర చేయనుంది.