మాస్ మహారాజ రవితేజ హీరోగా, ప్రియా భవాని శంకర్ హీరోయిన్గా దర్శకుడు శివ నిర్వాణ తెరకెక్కించిన అవైటెడ్ చిత్రం ‘ఇరుముడి’ (Irumudi). డివోషనల్ ఎలిమెంట్స్తో పాటు బలమైన ఎమోషన్స్, ఇంటెన్స్ సన్నివేశాలతో ఈ సినిమాను రూపొందించినట్లు ఇప్పటికే మేకర్స్ చెబుతున్నారు. దీంతో సినిమాపై ప్రేక్షకుల్లో మంచి అంచనాలు నెలకొన్నాయి.
సాధారణంగా తమ సినిమాలపై మ్యూజిక్ డైరెక్టర్లు ఇచ్చే రివ్యూలు సోషల్ మీడియాలో వైరల్ అవుతూ ఫ్యాన్స్లో మరింత ఆసక్తిని పెంచుతుంటాయి. ముఖ్యంగా అనిరుధ్ ఇచ్చే చిన్న చిన్న రివ్యూలు గతంలో పలుమార్లు ట్రెండ్ అయ్యాయి. ఇప్పుడు అదే తరహాలో ‘ఇరుముడి’పై మ్యూజిక్ డైరెక్టర్ జీవీ ప్రకాష్ కుమార్ చేసిన కామెంట్ ఆసక్తిని పెంచుతోంది.
“ఒక క్లాసిక్ రాబోతుంది” అంటూ జీవీ ప్రకాష్ ఒక్క మాటలో ‘ఇరుముడి’పై తన అభిప్రాయాన్ని వెల్లడించారు. దీంతో ఇప్పటికే సినిమా కోసం ఆసక్తిగా ఎదురుచూస్తున్న రవితేజ అభిమానుల్లో మరింత కాన్ఫిడెన్స్ పెరిగింది.
అంతేకాదు, ఇరుముడికు సంబంధించిన బ్యాక్గ్రౌండ్ స్కోర్ పనులను కూడా పూర్తి చేసినట్లు జీవీ ప్రకాష్ వెల్లడించారు. దీంతో సినిమా ఫైనల్ కాపీ పనులు కూడా శరవేగంగా పూర్తవుతున్నట్లు తెలుస్తోంది.
మొత్తంగా జీవీ ప్రకాష్ వ్యాఖ్యలతో ఇరుముడిపై అంచనాలు మరింత పెరిగాయి. ఆయన చెప్పినట్టుగా ఈ సినిమా నిజంగానే ఒక క్లాసిక్గా నిలుస్తుందా? అనేది తెలియాలంటే ఆగస్టు 21 వరకు వేచి చూడాల్సిందే.
