సూపర్ స్టార్ రజినీకాంత్ హీరోగా తెరకెక్కుతున్న క్రేజీ సీక్వెల్ “జైలర్ 2”పై ప్రేక్షకుల్లో భారీ అంచనాలు నెలకొన్నాయి. తొలి భాగాన్ని తెరకెక్కించిన నెల్సన్ దిలీప్ కుమార్ ఈ సీక్వెల్కు కూడా దర్శకత్వం వహిస్తున్నారు. “జైలర్” సాధించిన ఘన విజయానికి కథ, యాక్షన్తో పాటు సినిమాలో కనిపించిన సర్ప్రైజ్ క్యామియో పాత్రలు కూడా ప్రధాన ఆకర్షణగా నిలిచాయి.
ముఖ్యంగా శివ రాజ్కుమార్, మోహన్ లాల్ వంటి దిగ్గజ నటులు కీలక పాత్రల్లో కనిపించిన సన్నివేశాలు థియేటర్లలో ప్రేక్షకులకు మంచి కిక్ ఇచ్చాయి. ఆయా సన్నివేశాలు సినిమాకు ప్రత్యేకమైన క్రేజ్ను తీసుకొచ్చాయి. దీంతో ఇప్పుడు “జైలర్ 2”లో Jailer 2 కూడా ఇలాంటి మరిన్ని సర్ప్రైజ్ క్యామియోలు ఉంటాయని మొదటి నుంచే ఆసక్తికరమైన చర్చ నడుస్తోంది.
తాజాగా “జైలర్ 2” టీమ్ నుంచి వచ్చిన అప్డేట్ ఈ ఆసక్తిని మరింత పెంచింది. ఈ సినిమా నుంచి కొత్త పాత్రలను ఈ రోజు సాయంత్రం నుంచి పరిచయం చేయనున్నట్లు వెల్లడించారు. దీంతో సినిమాలో కనిపించబోయే నటీనటుల వివరాలు క్రమంగా బయటకు రానున్నాయి.
అయితే అసలు ఆసక్తి మాత్రం సర్ప్రైజ్ క్యామియోలపైనే ఉంది. ప్రేక్షకులు థియేటర్లలో చూడాల్సిన కీలక పాత్రలను కూడా ముందుగానే రివీల్ చేస్తారా? లేక ప్రస్తుతం కొన్ని పాత్రలను మాత్రమే పరిచయం చేసి, థియేటర్లలో మరిన్ని బిగ్ సర్ప్రైజ్లను దాచిపెడతారా? అనేది ఆసక్తికరంగా మారింది.
ఏదేమైనా “జైలర్ 2” నుంచి వచ్చే ప్రతి అప్డేట్ సినిమాపై అంచనాలను మరింత పెంచుతోంది. ఈ చిత్రానికి అనిరుద్ రవిచందర్ సంగీతం అందిస్తుండగా, సన్ పిక్చర్స్ నిర్మిస్తోంది. రజినీకాంత్, నెల్సన్ కాంబినేషన్లో తెరకెక్కుతున్న ఈ సీక్వెల్ ఎలాంటి కొత్త అనుభూతిని అందిస్తుందో చూడాలి.
