టాలీవుడ్లో తెరకెక్కుతున్న క్రేజీ సీక్వెల్ ప్రాజెక్ట్స్లో యువ హీరో తేజ సజ్జ నటిస్తున్న ‘జాంబీ రెడ్డి 2’ Zombie Reddy 2 కూడా ఒకటి. ప్రశాంత్ వర్మ దర్శకత్వంలో తెరకెక్కిన ‘జాంబీ రెడ్డి’కి సీక్వెల్గా ఈ చిత్రాన్ని మేకర్స్ ఇప్పటికే అధికారికంగా ప్రకటించారు. మొదటి భాగానికి భిన్నంగా మరింత భారీ స్థాయిలో ఈ సీక్వెల్ను రూపొందిస్తున్నట్లు తెలుస్తోంది.
ప్రస్తుతం ఈ ప్రాజెక్ట్పై ఆసక్తి రోజురోజుకూ పెరుగుతోంది. తాజాగా మేకర్స్ మరో సర్ప్రైజింగ్ అప్డేట్తో ప్రేక్షకుల ముందుకు వచ్చారు. కన్నడ రియల్ స్టార్ ఉపేంద్ర పుట్టినరోజు సందర్భంగా ‘జాంబీ రెడ్డి 2’లో ఆయన కూడా భాగమయ్యారనే విషయాన్ని అధికారికంగా వెల్లడించారు.
ఈ సందర్భంగా ఉపేంద్ర లుక్ను పరిచయం చేస్తూ ఓ వినూత్నమైన పోస్టర్ను విడుదల చేశారు. పోస్టర్లో ఉపేంద్రను తలకిందులుగా చూపించడం ఆసక్తిని పెంచుతోంది. ఎప్పుడూ వైవిధ్యమైన కథలు, పాత్రలతో ప్రేక్షకులను ఆశ్చర్యపరిచే ఉపేంద్రకు తగ్గట్టుగానే ఈ లుక్ను డిజైన్ చేసినట్లు కనిపిస్తోంది.
దర్శకుడు సుప్రన్ ఎస్. వర్మ ఈ పాత్రను చాలా ప్రత్యేకంగా తీర్చిదిద్దినట్లు తెలుస్తుండటంతో ‘జాంబీ రెడ్డి 2’పై అంచనాలు మరింత పెరిగాయి. ఇప్పటికే తేజ సజ్జకు ఉన్న క్రేజ్కు ఇప్పుడు ఉపేంద్ర ఎంట్రీ కూడా తోడవడంతో ఈ సీక్వెల్పై సినీ అభిమానుల్లో ఆసక్తి మరింత పెరిగింది.
ప్రస్తుతం ఈ సినిమా షూటింగ్ శరవేగంగా కొనసాగుతోంది. భారీ స్థాయిలో తెరకెక్కుతున్న ఈ చిత్రాన్ని పీపుల్ మీడియా ఫ్యాక్టరీ నిర్మిస్తోంది. తేజ సజ్జ, ఉపేంద్ర కాంబినేషన్తో పాటు దర్శకుడు ఎలాంటి కొత్త జోనర్ టచ్తో ఈ సీక్వెల్ను రూపొందిస్తున్నారనేది ఆసక్తికరంగా మారింది.