వివాదాస్పద దర్శకుడు రామ్ గోపాల్ వర్మ తెరకెక్కిస్తున్న తాజా చిత్రం కమ్మ రాజ్యంలో కడప రెడ్లు. ఏపీలో ఎన్నికలైపోయాక జరిగిన పరిస్థితుల ఆధారంగా ఈ సినిమాను తెర్కెక్కిస్తున్నట్టు అర్ధమవుతుంది. అయితే ఈ సినిమా టైటిల్‌ని కూడా కాస్త భిన్నంగా ఆలోచించిన ఆర్జీవీ అందుకు తగ్గటుగానే పాత్రలను కూడా ఎంచుకున్నాడు. అయితే ఇప్పటికే విడుదలైన ఈ సినిమా రెండు ట్రైలర్లు కూడా ఎన్నో వివాదాలకు దారీ తీస్తున్నాయి. అయితే ఈ సినిమా ఈ నెల 29న ప్రేక్షకులకు రాబోతున్న తరుణంలో మరో సమస్య తలెత్తింది.
అయితే ఈ సినిమాలో తన క్యారెక్టర్‌ను అవమానపరిచే విధంగా చూపించారని ప్రజాశాంతి పార్టీ అధినేత కేఏ పాల్‌ హైకోర్టును ఆశ్రయించారు. ఈ సినిమా విడుదలను నిలిపివేయాలని పిటీషన్ దాఖలు చేశారు. ఈ పిటీషన్‌లో ప్రతివాదులుగా సెన్సార్ బోర్డ్, కేంద్ర సమాచార మంత్రిత్వశాఖ, రామ్‌గోపాల్‌ వర్మ, జబర్దస్త్‌ కమెడియన్‌ రాము తదితరులను చేర్చారు. అయితే ఈ పిటీషన్‌పై నేడు హైకోర్ట్ విచారణ జరపనుంది.