యూనివర్సల్ హీరో కమల్ హాసన్ హీరోగా ఇప్పుడు దర్శకుడు శంకర్ తో భారీ సినిమా “ఇండియన్” సీక్వెల్స్ చేస్తున్న సంగతి తెలిసిందే. మరి ఈ సినిమా లతో పాటుగా కమల్ నుంచి కొన్ని క్లాసిక్ సినిమా లు కూడా రీ రిలీజ్ కి వస్తున్నాయి. ఇక వాటిలో రీసెంట్ గా మంచి బజ్ సెట్ చేసుకున్న సాలిడ్ థ్రిల్లర్ “ఆళవందాన్”(అభయ్). మరి ఈ సినిమా తమిళ వెర్షన్ ని అయితే రీ రిలీజ్ కి సెట్ చేయగా ఈ మూవీ ని ఏకంగా 1000 స్క్రీన్స్ లో రీ రిలీజ్ కి ప్లాన్ చేశారు.
అయితే ఇప్పుడు ఈ సినిమా డేట్ అయితే వచ్చేసింది. ఈ సినిమా ని డిసెంబర్ 8న రిలీజ్ చేస్తున్నట్టుగా నిర్మాత కలైపులి తాను కన్ఫర్మ్ చేశారు. దీనితో ఈ మూవీ కోసం ఎదురు చూస్తున్న వారికి గుడ్ న్యూస్ దక్కింది అని చెప్పాలి. ఇక ఈ సినిమా కి కమల్ హాసన్ కథ అందించగా రవీనా టాండన్ హీరోయిన్ గా నటించింది. అలాగే శంకర్ ఈషాన్ లాయ్ లు సంగీతం అందించారు.
