సూపర్ స్టార్ మహేష్ బాబు హీరోగా, ప్రియాంక చోప్రా హీరోయిన్గా, గ్లోబల్ దర్శకుడు ఎస్.ఎస్. రాజమౌళి తెరకెక్కిస్తున్న భారీ ప్రాజెక్ట్ వారణాసి (Varanasi) పై అంచనాలు రోజురోజుకీ పెరుగుతున్నాయి. ఇప్పటికే షూటింగ్ శరవేగంగా సాగుతున్న ఈ సినిమా కోసం భారీ సెట్లు, రియల్ లొకేషన్స్, అత్యాధునిక VFX స్టూడియోస్ను వినియోగిస్తూ మేకర్స్ గ్రాండ్గా ప్లాన్ చేస్తున్నారు.
ఇప్పుడు ఈ సినిమాకు సంబంధించిన ఓ లేటెస్ట్ అప్డేట్ హాట్ టాపిక్గా మారింది. తాజా సమాచారం ప్రకారం, చిత్ర బృందం ఒక లాంగ్ యాక్షన్ షెడ్యూల్లోకి అడుగుపెట్టిందట. దాదాపు నెల రోజుల పాటు ఎటువంటి బ్రేక్ లేకుండా ఈ యాక్షన్ సీక్వెన్సులు చిత్రీకరించనున్నారని టాక్. అంటే ఈ నెల మొత్తం మహేష్ బాబు ఫుల్ యాక్షన్ మోడ్లో కనిపించబోతున్నాడన్నమాట.
ఇక ఈ భారీ చిత్రానికి ఎం.ఎం. కీరవాణి సంగీతం అందిస్తుండగా, కే.ఎల్. నారాయణ, ఎస్.ఎస్. కార్తికేయ భారీ బడ్జెట్తో నిర్మిస్తున్నారు. పాన్ వరల్డ్ స్థాయిలో రూపొందుతున్న ‘వారణాసి’ వచ్చే ఏడాది ఏప్రిల్ 7న గ్రాండ్గా విడుదల కానుంది. యాక్షన్ షెడ్యూల్ అప్డేట్తో సినిమాపై హైప్ మరింత పెరిగిందని చెప్పాలి.