ఎవరూ లేకపోతే అక్క మొగుడే దిక్కు అనే సామెతను ఆమె సీరియస్ గా తీసుకున్నట్టు ఉంది. తన అక్క భర్తపై మోజుపడిన ఆ యువతి ప్రేమ పేరుతో బావను ఎలాగైనా దక్కించుకోవాలనుకుంది. అక్కకు విషయం తెలియడంతో ఆమె ఉన్నంత కాలం బావ తనకు దక్కడని తెలిసి గర్భవతి అయిన సొంత అక్కనే కిరాతకంగా కత్తితో పొడిచి చంపేసింది.
ఇదేదో సినిమా కధ అనుకుంటే పప్పులో కాలేసినట్టే. నేటి మన కలియుగ రామాయాణంలో ఇదో అంకం. పూర్తి వివరాల్లోకి వెళితే మధ్యప్రదేశ్‌లోని జబల్‌పూర్‌ జిల్లా కైత్రాకు చెందిన అభిలాషకు 2018 మార్చిలో వివాహమయ్యింది. కొద్ది రోజులకే ఆమె అనారోగ్యంతో బాధపడుతుండటంతో పుట్టింటికి వెళ్లింది. ఆ వెంటనే ఆమె గర్భవతి కావడంతో అక్కకు తోడుగా ఉండేందుకు చెల్లెలు సాక్షి బావ ఇంటికి వచ్చింది. ఈ క్రమంలో అభిలాష చెల్లెలు సాక్షి.. బావపై మోజు పడింది. అతడితో మాట కలుపుతూ వచ్చింది.. ప్రేమను పెంచుకుంది. సాక్షి బావను ఇష్టపడుతున్న విషయం అక్క అభిలాషకు తెలిసింది. వెంటనే చెల్లెల్ని మందలించింది.. బావ కూడా ఆమెకు క్లాస్ తీసుకున్నాడు. దీంతో అభిలాషపై చెల్లెలు కోపం పెంచుకుంది. ఆమె ఉన్నంత కాలం బావ తనకు దక్కడని భావించింది. అందుకే అభిలాషను అడ్డు తొలగించుకోవాలని స్కెచ్ వేసింది. సమయం కోసం ఎదురు చూసింది. ఈ క్రమంలో అక్క బాత్రూమ్‌లో ఉండగా లోపలికి వెళ్లింది. కత్తి తీసుకొని అక్కను కడుపులో పొడిచింది మెడపైనా దాడి చేసింది. తర్వాత అక్కడి నుంచి పారిపోయింది. బాధితురాలి కేకలు విన్న ఇరుగుపొరుగువారు ఆస్పత్రికి తరలించగా చనిపోయింది. కేసు నమోదు చేసిన పోలీసులు నమోదు చేస్తున్నారు.