టాలీవుడ్లో తనకంటూ ప్రత్యేకమైన మార్క్ను క్రియేట్ చేసుకున్న యువ దర్శకుడు ప్రశాంత్ వర్మ మరో ఆసక్తికరమైన ప్రాజెక్ట్తో ప్రేక్షకుల ముందుకు వస్తున్నారు. ‘హను-మాన్’ సినిమాతో పాన్ ఇండియా స్థాయిలో సెన్సేషన్ క్రియేట్ చేసిన ఆయన, ప్రస్తుతం తన సినిమాటిక్ యూనివర్స్ను మరింత విస్తరించే పనిలో ఉన్నారు. ఈ క్రమంలో ఆయన కథ అందించిన లేడీ సూపర్ హీరో చిత్రం ‘మహాకాళి’ Mahakali పై భారీ అంచనాలు నెలకొన్నాయి.
పూజా కొల్లూరు దర్శకత్వం వహిస్తున్న ఈ క్రేజీ ప్రాజెక్ట్ నుంచి తాజాగా విడుదలైన గ్లింప్స్ ప్రస్తుతం సోషల్ మీడియాలో హాట్ టాపిక్గా మారింది. ముఖ్యంగా గ్లింప్స్లో కనిపించిన విజువల్స్, మేకింగ్, బ్యాక్గ్రౌండ్ స్కోర్ ప్రేక్షకులను ఆకట్టుకుంటున్నాయి.
‘హను-మాన్’ టీజర్ విడుదలైన సమయంలో ఎలాంటి యునానిమస్ పాజిటివ్ రెస్పాన్స్ వచ్చిందో, ఇప్పుడు ‘మహాకాళి’ గ్లింప్స్కు కూడా అలాంటి స్పందనే కనిపిస్తోంది. ‘హను-మాన్’ తర్వాత ప్రశాంత్ వర్మపై ఏఐ, విజువల్స్కు సంబంధించిన ట్రోల్స్ వచ్చినప్పటికీ, ‘మహాకాళి’ గ్లింప్స్తో మరోసారి తన విజన్ను చూపించే ప్రయత్నం చేస్తున్నారనే అభిప్రాయాలు వ్యక్తమవుతున్నాయి.
ముఖ్యంగా నటి శ్రేయా రెడ్డి కనిపించే చివరి ఫ్రేమ్ గ్లింప్స్కు హైలైట్గా నిలిచింది. ఆమె పాత్రను చూపించిన విధానం సినిమాపై మరింత క్యూరియాసిటీని పెంచుతోంది. ఈ ఒక్క ఫ్రేమ్తోనే సినిమాకు సంబంధించిన అంచనాలు ఒక్కసారిగా పెరిగిపోయాయి.
‘మహాకాళి’లో ప్రశాంత్ వర్మ అందిస్తున్న కథ, పూజా కొల్లూరు దర్శకత్వం, శ్రేయా రెడ్డి పాత్రతో పాటు సినిమాలోని విజువల్ వరల్డ్ ఎలా ఉండబోతుందనే ఆసక్తి ఇప్పుడు ప్రేక్షకుల్లో నెలకొంది. ‘హను-మాన్’తో సొంతం చేసుకున్న మ్యాజిక్ను ఈ సినిమాతో ప్రశాంత్ వర్మ మరోసారి రిపీట్ చేస్తారా అనేది ఆసక్తికరంగా మారింది.
మొత్తానికి ‘మహాకాళి’ గ్లింప్స్ మాత్రం సినిమాపై మంచి బజ్ను క్రియేట్ చేసింది. ఈ ప్రాజెక్ట్ థియేటర్లలో ఎలాంటి ప్రభావాన్ని చూపుతుంది, ప్రశాంత్ వర్మ సినిమాటిక్ యూనివర్స్లో ఇది ఎలాంటి స్థానాన్ని సంపాదించుకుంటుందో చూడాలి.