టాలీవుడ్‌ యంగ్ హీరో, స్టార్ ఫ్యామిలీ వారసుడు మంచు మనోజ్ అభిమానులకు షాక్‌ ఇచ్చాడు. వెరోనిక ద్వారా పరిచయం అయిన ప్రణతీ రెడ్డిని 2015 మే 20న పెద్దల అంగీకారంతో ప్రేమ వివాహం చేసుకున్నాడు మనోజ్. గురువారం తన ట్విటర్‌ పేజ్‌లో ఓ ఎమోషనల్‌ మెసేజ్‌ను ట్వీట్ చేసిన మనోజ్, ప్రణతితో తన వైవాహిక జీవితం ముగిసిపోయిందని వెల్లడించాడు.
`నా వ్యక్తిగత జీవితానికి సంబంధించిన కొన్ని విషయాలను మీతో షేర్‌ చేసుకోవాలనుకుంటున్నాను. ఎంతో అందమైన మా వివాహ బంధం ముగిసింది. బరువెక్కిన హృదయంతో ఈ విషయాన్ని మీకు తెలియజేస్తున్నా. కొన్ని విభేదాల కారణంగా మేము ఎంతో బాధను అనుభవించాం. ఎంతో ఆలోచించిన తరువాత విడివిడిగా ప్రయాణించటమే కరెక్ట్‌ అని నిర్ణయించుకున్నాం. ఒకరి మీద ఒకరం ఎంతో గౌరవంతో ఈ నిర్ణయం తీసుకున్నాం. ఈ సమయంలో మా ఈ నిర్ణయానికి మీద అందరి మద్ధతుగా నిలిచివారి కృతజ్ఞతలు.
కొంతకాలంగా నా మనసు సరిగ్గా లేని కారణంగా నేను నటన మీద ఇతర పనుల మీద దృష్టి సారించలేకపోయాను. ఈ కల్లోల పరిస్థితులను నా ఫ్యామిలీ, ఫ్రెండ్స్‌, ఫ్యాన్స్‌ సపోర్ట్ కారణంగానే తట్టుకోగలిగాను. ఈ కష్టకాలంలో నా వెన్నంటి నిలిచి వారందరికీ నా కృతజ్ఞతలు. ఇక నుంచి నా చివరి శ్వాస వరకు సినిమాల్లోనే కొనసాగుతా` అంటూ భావోద్వేగ పోస్ట్‌ను ట్విటర్‌లో షేర్‌ చేశాడు మనోజ్.