వాట్సాప్ లో త్వరలోనే కొత్త ఫీచర్

వాట్సాప్ లో త్వరలోనే కొత్త ఫీచర్

వాట్సాప్… ఈ రోజుల్లో ఇదిలేకుండా యువతే కాదు మధ్య వయస్కులు కూడా ఉండలేని పరిస్థితి. అంతలా వాట్సాప్ కు అలవాటుపడ్డాం. వాట్సాప్ కాకుండా చాలా రకాల మెస్సేజింగ్ యాప్స్ ఉన్నా ఎక్కువ మంది దీన్నే వాడుతున్నారు. వాట్సాప్ లో త్వరలోనే కొత్త ఫీచర్ రాబోతోందని టెక్ నిపుణులు అంచనా వేస్తున్నారు. వాట్సాప్ లో ఇప్పటికే చాలా ఫీచర్లు అందుబాటులో ఉన్నాయి.

వీటికి అదనంగా రాబోతున్నది గ్రూప్ చాటింగ్. వాట్సాప్ లో ఇప్పటికే గ్రూప్స్ ఉన్నా, గ్రూప్ చాటింగ్ అందుబాటులో లేదు. త్వరలో కమ్యూనిటీ ఫీచర్ వస్తుందని అంతా భావిస్తున్నారు. XDA డెవలపర్స్ చెప్పిన దాని ప్రకారం ఈ టెక్నాలజీ ప్రస్తుతం టెస్టింగ్ దశలో ఉంది. త్వరలోనే ఆండ్రాయిడ్ ప్లాట్ ఫాంలలో దీన్ని ప్రవేశపెడతారు. అప్పుడు వాట్సాప్ లో కమ్యూనిటీ ఫీచర్ ఎనేబుల్ చేసుకున్న వారు గ్రూప్ చాటింగ్లో పాల్గొనేందుకు వీలవుతుంది.

వాట్సాప్… ప్రపంచంలో ఎక్కువ మంది వాడుతున్న అతిపెద్ద మెసేజింగ్ యాప్ అని XDA తెలిపింది. చాలా మంది యూజర్లు వాడటం వల్ల యాప్ లో కొత్త ఫీచర్లను యాడ్ చేసేందుకు చాలా టైమ్ పడుతోందని వివరించింది. వాట్సాప్ కమ్యూనిటీ ఫీచర్ ట్యాబ్ అందుబాటులోకి వచ్చాక ఇప్పుడున్న గ్రూప్స్ డిఫరెంట్ గా కనిపిస్తాయని XDA టెక్నాలజీ ప్రతినిధులు తెలిపారు. XDA టెక్నాలజీ కావాలనుకుంటే ఎలాంటి ఫీచర్లనైనా వాట్సాప్ లో ఎనేబుల్ చేయగలదని చాలా మంది టెక్ నిపుణుల అభిప్రాయం. కొత్తగా రాబోయే కమ్యూనిటీ ఫీచర్ ట్యాబ్ వల్ల చాలా ప్రయోజనాలుంటాయని వారు అంటున్నారు.

ఈ కొత్త ఫీచర్ మనకు వాట్సాప్ లేటెస్ట్ బీటా వెర్షన్ v2.21.21.6లో అందుబాటులో ఉంటుంది. ఈ వెర్షన్ కోసం యూజర్లు ఆతృతగా ఎదురు చూస్తున్నారు. కంపెనీ కొత్త ఫీచర్ తో అప్ డేట్ వెర్షన్ రిలీజ్ చేయగానే వెంటనే డౌన్ లోడ్ చేసుకునేందుకు యూజర్లు సిద్ధంగా ఉన్నారు.వాట్సాప్ లో కమ్యూనిటీ ఫీచర్ గనుక అందుబాటులోకి వస్తే ప్రస్తుతం మనం గ్రూప్స్ లో చేస్తున్న మెసేజింగ్ విధానం పూర్తిగా మారే అవకాశం ఉంది. మిగతా యాప్స్ తో పోలిస్తే వాట్సాప్ లో గ్రూప్ చాటింగ్ అనుభవం సరికొత్తగా ఉంటుందంటున్నారు.

వాట్సాప్ నూతనంగా ప్రవేశపెట్టబోయే కమ్యూనిటీ ఫీచర్ అచ్చం ఫేస్ బుక్ లో ఉన్న కమ్యూనిటీ ఫీచర్ లాగే ఉండొచ్చని చాలా మంది టెక్ నిపుణులు భావిస్తున్నారు. ఈ కమ్యూనిటీ ఫీచర్ అందుబాటులోకి వస్తే వాట్సాప్ లో కూడా సౌకర్యం అందుబాటులోకి వస్తుందనే అభిప్రాయం వ్యక్తమవుతోంది.ప్రస్తుతం ఉన్న గ్రూపులకే కమ్యూనిటీ అనే పేరును వాట్సాప్ జోడిస్తుందని కొంత మంది అభిప్రాయపడుతున్నారు. నిజంగా ఎలా ఉంటుందో ఫీచర్ వస్తే గానీ చెప్పలేం. కావున ఫీచర్ కోసం వెయిట్ చేయడం, అంచనాలు వేసుకోవడం తప్ప వేరే ఛాయిస్ లేదు. ఈ కొత్త ఫీచర్ ను రిలీజ్ చేసేందుకు వాట్సాప్ కొంత ఎక్కువ సమయం తీసుకునే అవకాశం ఉందని తెలిసింది.

ప్రస్తుతానికి ఈ గ్రూప్ చాటింగ్ ఫీచర్ ఇంకా టెస్టింగ్ దశలోనే ఉంది కాబట్టి ఇప్పుడే ఈ ఫీచర్ గురించి ఊహాగానాలు పెట్టుకోవడం మంచిది కాదు. కానీ XDA టెక్నాలజీ ఈ ఫీచర్ అద్భుతంగా ఉండబోతుందని చెబుతూ ఆశలు పెంచుతోంది. ఈ ఫీచర్ వాట్సాప్ ఇతర ఫీచర్ల కంటే కూడా బాగుంటుందనే అభిప్రాయం వ్యక్తం చేసింది. కాబట్టి గ్రూప్ చాటింగ్ ఫీచర్ అదిరిపోతుందనే మనమూ ఆశిద్దాం.