Posted [relativedate] at [relativetime time_format=”H:i”]
భారత క్రికెటర్ కే.ఎల్.రాహుల్, టాలీవుడ్, బాలీవుడ్ హీరోయిన్ నిధి అగర్వాల్ డేటింగ్ లో ఉన్నారంటూ నిన్నంతా సోషల్ మీడియా కోడై కూసింది. గతవారం వారిద్దరూ ముంబైలోని ఓ రెస్టారెంట్ లో జంటగా కనిపించిన ఫొటోలు నెట్ లో వైరల్ అయ్యాయి. ఈ పుకార్లపై కే.ఎల్. రాహుల్ ఇప్పటిదాకా స్పందించలేదు కానీ నిధి అగర్వాల్ పెదవి విప్పింది. తాను, రాహుల్ కలిసి డిన్నర్ కు వెళ్లింది నిజమేనని చెప్పింది. అయితే తామిద్దరమూ ఇలా కలిసి డిన్నర్ కు వెళ్లడం ఇదే తొలిసారి కాదని గతంలోనూ చాలాసార్లు వెళ్లామని తెలిపింది.
తామిద్దరం ఒకరికొకరం ఎన్నో ఏళ్ల నుంచీ తెలుసని, రాహుల్ క్రికెటర్ కాకముందు నుంచీ, తాను హీరోయిన్ అవ్వకముందు నుంచీ తమ ఇద్దరికీ పరిచయం ఉందని వెల్లడించింది. అలా అని తామిద్దరం బెంగళూరులో కలిసి చదువుకున్నాం అనుకోవద్దనీ, అలాంటిదేమీ లేదని, ఎప్పట్నుంచో పరిచయం ఉంది అంతేనని నిధి తెలిపింది. రాహుల్ మాత్రం డేటింగ్ వార్తలపై స్పందించలేదు. పంజాబ్ కింగ్స్ ఎలెవన్ కు ప్రాతినిధ్యం వహిస్తున్న రాహుల్ ఇటీవలే ఐపీఎల్ సీజన్ ముగించుకుని ఆఫ్ఘనిస్థాన్ తో జరిగే ఏకైక టెస్టుకు సిద్ధమవుతున్నాడు. మరోపక్క నిధి అగర్వాల్ తెలుగులో సవ్యసాచి సినిమాతో బిజీగా ఉంది.
