పవర్ స్టార్ పవన్ కళ్యాణ్ హీరోగా, సారా జేన్ డయాస్ కథానాయికగా నటించిన స్టైలిష్ గ్యాంగ్స్టర్ యాక్షన్ డ్రామా ‘పంజా’ Panjaa గురించి ప్రత్యేకంగా పరిచయం అవసరం లేదు. విష్ణువర్ధన్ దర్శకత్వంలో తెరకెక్కిన ఈ సినిమా అప్పట్లో థియేటర్లలో ఆశించిన స్థాయిలో విజయం సాధించలేకపోయింది. అయితే పవన్ కళ్యాణ్కు ఉన్న క్రేజ్, సినిమాలోని స్టైలిష్ యాక్షన్ ఎలిమెంట్స్ కారణంగా ‘పంజా’కు ఇప్పటికీ ప్రత్యేకమైన ఫ్యాన్ బేస్ ఉంది.
ఇక పవన్ కళ్యాణ్ పుట్టినరోజు సందర్భంగా ఈ సినిమాను మరోసారి థియేటర్లలో గ్రాండ్గా రీ రిలీజ్ చేస్తున్నారు. దీంతో పవన్ అభిమానుల్లో ఈ రీ రిలీజ్పై భారీ ఆసక్తి నెలకొంది. ఇప్పటికే సోషల్ మీడియాలో సినిమాపై మంచి హైప్ కనిపిస్తుండగా, అడ్వాన్స్ బుకింగ్స్ కూడా అదే జోరును చూపిస్తున్నాయి.
తాజా సమాచారం ప్రకారం ‘పంజా’ వరల్డ్వైడ్గా అడ్వాన్స్ సేల్స్ ద్వారానే రూ.1.5 కోట్లకు పైగా గ్రాస్ వసూళ్లను నమోదు చేసినట్లు తెలుస్తోంది. రీ రిలీజ్కు ఇంకా రెండు రోజుల సమయం ఉండగానే ఈ స్థాయిలో బుకింగ్స్ రావడం పవన్ కళ్యాణ్కు ఉన్న క్రేజ్ను మరోసారి చాటుతోంది.
మరోవైపు రీ రిలీజ్లో ‘పంజా’ ఎలాంటి ఓపెనింగ్స్ అందుకుంటుందనే ఆసక్తి కూడా నెలకొంది. పవన్ కళ్యాణ్ గత రీ రిలీజ్ చిత్రాలు సాధించిన రేంజ్లో ఈ సినిమా కూడా వసూళ్లు రాబడుతుందా లేదా అనేది చూడాలి. ముఖ్యంగా అడ్వాన్స్ బుకింగ్స్ జోరు చూస్తుంటే తొలి రోజు థియేటర్ల వద్ద అభిమానుల సందడి భారీగా ఉండే అవకాశం కనిపిస్తోంది.
ఈ చిత్రానికి యువన్ శంకర్ రాజా సంగీతం అందించడంతో పాటు అద్భుతమైన బ్యాక్గ్రౌండ్ స్కోర్ను సమకూర్చారు. ఆర్కా మీడియా, సంఘమిత్ర బ్యానర్లపై నీలిమ తిరుమలశెట్టి, శోభు యార్లగడ్డ, ప్రసాద్ దేవినేని, నగేష్ ముంత ఈ చిత్రాన్ని నిర్మించారు. మొత్తానికి అప్పట్లో ఆశించిన ఫలితాన్ని అందుకోలేకపోయిన ‘పంజా’, రీ రిలీజ్తో బాక్సాఫీస్ దగ్గర ఎలాంటి ప్రభావం చూపిస్తుందో వేచి చూడాలి.
