యంగ్ టైగర్ ఎన్టీఆర్, యాక్షన్ డైరెక్టర్ ప్రశాంత్ నీల్ కాంబినేషన్లో తెరకెక్కుతున్న భారీ చిత్రం ‘డ్రాగన్’ Dragon. ఈ సినిమాపై ఇప్పటికే భారీ అంచనాలు నెలకొన్నాయి. అయితే షూటింగ్ సమయంలో ఎన్టీఆర్ భుజానికి గాయం కావడంతో ఇటీవల ఆయనకు శస్త్రచికిత్స జరిగింది. ప్రస్తుతం ఎన్టీఆర్ వైద్యుల సూచనల మేరకు విశ్రాంతి తీసుకుంటున్నారు.
తాజా సమాచారం ప్రకారం, ఎన్టీఆర్ అక్టోబర్ మొదటి వారంలో తిరిగి ‘డ్రాగన్’ షూటింగ్లో జాయిన్ కానున్నట్లు తెలుస్తోంది. ఈ నేపథ్యంలో చిత్రబృందం కీలకమైన షూటింగ్ షెడ్యూల్ను ప్లాన్ చేస్తున్నట్లు సమాచారం. ఎన్టీఆర్ కోలుకునేలోపు ఆయన అవసరం లేని సన్నివేశాలను చిత్రీకరించనున్నారట. దీంతో షూటింగ్ పనులకు పెద్దగా బ్రేక్ రాకుండా జాగ్రత్తలు తీసుకుంటున్నట్లు తెలుస్తోంది.
ఇక ప్రశాంత్ నీల్ సినిమాలంటే డార్క్ టోన్, బ్లాక్ అండ్ గ్రే షేడ్స్తో కూడిన విజువల్స్ గుర్తుకు వస్తాయి. అయితే ఎన్టీఆర్తో తెరకెక్కిస్తున్న ‘డ్రాగన్’లో మాత్రం ఫ్లాష్బ్యాక్ ఎపిసోడ్ విషయంలో దర్శకుడు సరికొత్త ప్రయోగం చేస్తున్నట్లు టాక్ వినిపిస్తోంది.
ఈ సినిమాలోని ఫ్లాష్బ్యాక్ పూర్తిగా కలర్ఫుల్గా ఉండబోతుందట. అంతేకాకుండా ఈ ఎపిసోడ్లో ప్రశాంత్ నీల్ సినిమాల్లో సాధారణంగా కనిపించే డార్క్ షేడ్స్ పెద్దగా కనిపించవని తెలుస్తోంది. ఫ్లాష్బ్యాక్ను ఇంత కలర్ఫుల్గా ఎందుకు డిజైన్ చేశారు? కథలో దాని ప్రాధాన్యత ఏమిటి? అనేది సినిమా విడుదలయ్యే వరకు ఆసక్తికరంగానే మారింది.
ప్రస్తుతం ఈ సినిమా షూటింగ్తో పాటు ఇతర నిర్మాణ పనులు కూడా కొనసాగుతున్నట్లు తెలుస్తోంది. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ చిత్రానికి రవి బస్రూర్ సంగీతం అందిస్తున్నారు. ఎన్టీఆర్, ప్రశాంత్ నీల్ కాంబినేషన్లో వస్తున్న ఈ యాక్షన్ ఎంటర్టైనర్పై అభిమానుల్లో భారీ అంచనాలు నెలకొన్నాయి.
