యంగ్ టైగర్ ఎన్టీఆర్ ప్రస్తుతం ‘దేవర’ మూవీ షూట్ లో ఫుల్ బిజీగా ఉన్నాడు. ఈ మూవీ తర్వాత ‘వార్ 2’ కి డేట్స్ ఇచ్చాడని టాక్ నడుస్తోంది. మరోపక్క ప్రశాంత్ నీల్ తో చేయబోయే మూవీ కి డేట్స్ ఇచ్చాడని అంటున్నారు. ఏది ఏమైనా ‘ఎన్టీఆర్ – ప్రశాంత్ నీల్’ మూవీ ఎప్పుడు స్టార్ట్ అవుతుంది ? అంటూ తారక్ ఫ్యాన్స్ ఎంతో ఆసక్తిగా ఎదురు చూస్తున్నారు. మరోవైపు ప్రశాంత్ నీల్ దర్శకత్వంలో నేషనల్ స్టార్ ప్రభాస్ హీరోగా ‘సలార్’ మూవీ రాబోతుంది. డిసెంబర్ నాలుగో వారం తర్వాత ఈ మూవీ కు సంబంధించిన అన్ని పనులు పూర్తి చేసుకుని ప్రశాంత్ నీల్ బయటకు రాబోతున్నాడు.
కాబట్టి, జనవరి ఎండింగ్ నుంచి ఎన్టీఆర్ తో తాను చేయబోయే మూవీని ప్రశాంత్ నీల్ స్టార్ట్ చేస్తాడని తెలుస్తోంది. 2025 సమ్మర్ టార్గెట్ గా తమ మూవీను రిలీజ్ చేయాలి అనేది ప్రశాంత్ నీల్ – ఎన్టీఆర్ ప్లాన్ అంట . మొత్తానికి ప్రశాంత్ నీల్ – ఎన్టీఆర్ సినిమా గురించి నిత్యం ఏదొక రూమర్ వినిపిస్తూనే ఉంది. ఆ మధ్య ఈ మూవీలో ఎన్టీఆర్ సరసన ప్రియాంక చోప్రా నటించబోతుంది అంటూ పుకార్లు షికార్లు చేశాయి. నిజానికి ఈ మూవీ కు సంబంధించి ఇంకా నటీనటుల ఎంపిక జరగలేదు.
