ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో తెరకెక్కుతున్న భారీ చిత్రం ‘రాకా’పై ఇప్పటికే భారీ అంచనాలు ఉన్నాయి. ఈ సినిమా కథ, యాక్షన్, తారాగణం విషయంలో ఎప్పటికప్పుడు కొత్త వార్తలు వినిపిస్తూ సినిమాపై ఆసక్తిని మరింత పెంచుతున్నాయి. తాజాగా ఈ మూవీకి సంబంధించి మరో ఆసక్తికరమైన రూమర్ సోషల్ మీడియాలో చక్కర్లు కొడుతోంది.
‘రాకా’లో Raaka నటి ఐశ్వర్య లక్ష్మి కూడా ఓ కీలక పాత్రలో కనిపించబోతున్నట్లు సమాచారం. అయితే ఆమె హీరోయిన్గా నటించడం లేదని, సినిమాలో నెగిటివ్ షేడ్స్ ఉన్న పాత్రలో కనిపించనుందని టాక్ వినిపిస్తోంది. ఆమె పాత్ర కథలో కీలకంగా ఉంటుందని ప్రచారం జరుగుతున్నప్పటికీ, దీనికి సంబంధించిన పూర్తి వివరాలు మాత్రం ఇంకా బయటకు రాలేదు.
ప్రస్తుతం ‘రాకా’ షూటింగ్ ముంబైలో జరుగుతున్నట్లు తెలుస్తోంది. ఈ షెడ్యూల్లో ఐశ్వర్య లక్ష్మి కూడా షూటింగ్లో పాల్గొనబోతున్నట్లు సమాచారం. దీంతో ఆమె పాత్రపై మరింత ఆసక్తి నెలకొంది. అయితే ఈ రూమర్పై చిత్రబృందం నుంచి అధికారికంగా ఎలాంటి ప్రకటన రావాల్సి ఉంది.
ఇక ‘రాకా’లో యాక్షన్ సన్నివేశాలు హైలైట్గా నిలవనున్నాయని టాక్. అట్లీ తన మార్క్కు తగ్గట్టుగా భారీ యాక్షన్ ఎపిసోడ్స్తో సినిమాను తెరకెక్కిస్తున్నట్లు తెలుస్తోంది. సినిమాలో దీపికా పదుకొణె కథానాయికగా నటిస్తున్న విషయం తెలిసిందే. అలాగే మృణాల్ ఠాకూర్, జాన్వీ కపూర్ కూడా కీలక పాత్రల్లో కనిపించబోతున్నట్లు సమాచారం.
మాఫియా బ్యాక్డ్రాప్లో ఓ డాన్ చుట్టూ తిరిగే కథతో ఈ సినిమా తెరకెక్కుతోందనే ప్రచారం ఉంది. ఈ నేపథ్యంలో అల్లు అర్జున్ పాత్రను అట్లీ ఎలా డిజైన్ చేశారనే ఆసక్తి అభిమానుల్లో నెలకొంది. ముఖ్యంగా యాక్షన్, డ్రామా, మాస్ ఎలిమెంట్స్తో సినిమా భారీ స్థాయిలో ఉండబోతుందని వార్తలు వస్తున్నాయి.
సన్ పిక్చర్స్ బ్యానర్పై ఈ ప్రాజెక్ట్ను భారీ బడ్జెట్తో నిర్మిస్తున్నారు. అంతర్జాతీయ స్థాయి టెక్నీషియన్లు ఈ సినిమాకు పనిచేస్తున్నట్లు తెలుస్తోంది. దీంతో ‘రాకా’పై అంచనాలు మరింత పెరుగుతున్నాయి. ఇక ఐశ్వర్య లక్ష్మి నెగిటివ్ షేడ్స్ ఉన్న పాత్రలో నటిస్తుందనే వార్త నిజమా కాదా అనేది అధికారిక ప్రకటన వస్తేనే స్పష్టత రానుంది.
