మాస్ మహారాజ రవితేజ హీరోగా, ప్రియా భవాని శంకర్ హీరోయిన్గా, శివ నిర్వాణ దర్శకత్వంలో రూపొందుతున్న అవైటెడ్ మూవీ ‘ఇరుముడి’(Irumudi). మొదటి నుంచే మంచి బజ్ తెచ్చుకున్న ఈ చిత్రం నుంచి తాజాగా మేకర్స్ ఫస్ట్ గ్లింప్స్ను రిలీజ్ చేశారు. గ్లింప్స్ చూసిన తర్వాత ఆడియెన్స్, ఫ్యాన్స్ అందరికీ ఒకే ఫీలింగ్. “ఇదే మేము మిస్ అయిన పాత రవితేజ” అన్న భావన బలంగా కనిపిస్తోంది.
ముఖ్యంగా తన కూతురుతో ఉన్న సన్నివేశాలు సినిమాకే స్పెషల్ అట్రాక్షన్లా నిలిచేలా ఉన్నాయి. ఆ ఎమోషనల్ బాండింగ్ చాలా నేచురల్గా, హృదయానికి హత్తుకునేలా ప్రెజెంట్ చేశారు. ఇక గ్రామీణ నేపథ్యంతో తెరకెక్కించిన సన్నివేశాలు ఒకప్పుడు రవితేజ సినిమాల్లో కనిపించిన సహజత్వాన్ని మళ్లీ తెచ్చాయని చెప్పాలి.
రవితేజ–ప్రియా భవాని శంకర్ మధ్య కెమిస్ట్రీ ఆకట్టుకునేలా ఉండగా, మధ్యలో వచ్చే స్ట్రాంగ్ ఎమోషన్, చివర్లో అయ్యప్ప స్వామి మాల అంశాలతో ముగించిన గ్లింప్స్ మొత్తం మీద సినిమా పై మంచి అంచనాలను పెంచింది. ముఖ్యంగా ఈ గ్లింప్స్ రవితేజకు సాలిడ్ కంబ్యాక్ ఇచ్చేలా ఉందన్న టాక్ వినిపిస్తోంది.
ఇక జీవి ప్రకాష్ కుమార్ అందించిన బ్యాక్గ్రౌండ్ స్కోర్ కూడా గ్లింప్స్కు ప్లస్ అయ్యింది. మొత్తం మీద రవితేజ – మైత్రి మూవీ మేకర్స్ కాంబినేషన్ నుంచి ఈ ఆగస్టులో ఒక స్ట్రాంగ్ హిట్ వచ్చే ఛాన్స్ కనిపిస్తోంది.