ఇటీవల కన్నడలో హేమంత్ ఎన్ రావు దర్శకత్వంలో తెరకెక్కి మంచి విజయం అందుకున్న సినిమా సప్త సాగర దాచే ఎల్లో సైడ్ ఏ. రక్షిత్ శెట్టి, రుక్మిణి వసంత్ హీరో హీరోయిన్స్ గా తెరకెక్కిన ఈ లవ్ ఎమోషనల్ ఎంటర్టైనర్ సినిమా సప్త సాగరాలు దాటి సైడ్ ఏ అనే టైటిల్ తో తెలుగులో డబ్ కాబడి ఇక్కడ కూడా మంచి సక్సెస్ సొంతం చేసుకుంది. అయితే ప్రస్తుతం ఆ సినిమా కి సీక్వెల్ గా తెరకెక్కిన సప్త సాగరాలు దాటి సైడ్ బి మూవీ షూటింగ్ పూర్తి చేసుకుని నవంబర్ 17న రిలీజ్ కి రెడీ అయింది.
విషయం ఏమిటంటే, ఇప్పటికే ఈ మూవీ నుండి ఒక సాంగ్ రిలీజ్ అయి అందరినీ ఆకట్టుకోగా ఈ మూవీ యొక్క థియేట్రికల్ ట్రైలర్ ని టాలీవుడ్ స్టార్ నటి సమంత రూత్ ప్రభు రిలీజ్ చేయనున్నట్లు కొద్దిసేపటి క్రితం మేకర్స్ అనౌన్స్ చేసారు. ఇక ఈ ట్రైలర్ నేడు సాయంత్రం 6 గం. 6 ని. లకు రిలీజ్ కానుంది. కాగా తెలుగులో ఈ మూవీ పీపుల్ మీడియా ఫ్యాక్టరీ వారి ద్వారా విడుదలవుతోంది. మరి రిలీజ్ అనంతరం సప్త సాగరాలు దాటి సైడ్ బి ఎంతమేర ఆడియన్స్ ని ఆకట్టుకుంటుందో చూడాలి.
