తన లైంగిక వాంఛ తీర్చుకోడానికి ఓ యువతీ దారుణానికి ఒడిగట్టింది. తన ఇంటి పక్కన నివాసం ఉండే 13 ఏళ్ల బాలుణ్ని ఇంటికి తీసుకెళ్లి అసభ్యంగా ప్రవర్తించింది. ఆ బాలుడు తనకు సహకరింహకపోవడంతో అతన్ని బంధించి అతడి అంగాన్ని కాలుతున్న పట్టుకరతో వాతలు పెట్టి ఇబ్బందులకు గురిచేసింది. బాధిత బాలుడు తన తల్లి వద్ద గోడు వెల్లబోసుకోవడంతో విషయం వెలుగులోకి వచ్చింది. ఈ దారుణం గ్రేటర్ నోయిడా శివార్లలోని ఛప్రౌలా గ్రామంలో మంగళవారం (అక్టోబర్ 9) వెలుగులోకి వచ్చింది.
బాధిత బాలుడి తల్లి ఫిర్యాదు మేరకు నిందితురాలిపై పోలీసులు కేసు నమోదు చేశారు. నిందితురాలు బాలుడి ఇంటి పక్కనే నివాసం ఉండే వివాహం అయిన యువతీ అని, ఆమె వయసు 25 నుంచి 30 ఏళ్ల మధ్య ఉంటుందని పోలీసులు తెలిపారు. గత శుక్రవారం ఇంట్లో ఎవరూ లేని సమయంలో నిందితురాలు ఈ అఘాయిత్యానికి ఒడిగట్టిందని పోలీసులు చెబుతున్నారు. దీంతో మహిళపై కిడ్నాపింగ్, హత్యాయత్నం, పోక్సో చట్టం కింద కేసులు నమోదు చేసినట్లు పోలీసులు తెలిపారు. ఆమెను కఠినంగా శిక్షించాలని బాలుడి బంధువులు డిమాండ్ చేస్తున్నారు. ఘటన అనంతరం సదరు మహిళ అక్కడ నుంచి పారిపోయింది. ఆమె కోసం పోలీసులు గాలిస్తున్నారు.
