నాచురల్ స్టార్ నాని హీరోగా, కయాదు లోహర్ హీరోయిన్గా నటిస్తున్న భారీ చిత్రం ‘ది ప్యారడైజ్’ The Paradise. దర్శకుడు శ్రీకాంత్ ఓదెల తెరకెక్కిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. విడుదల తేదీ దగ్గరపడుతున్న కొద్దీ చిత్రానికి సంబంధించిన అప్డేట్స్ మరింత ఆసక్తిని పెంచుతున్నాయి.
ఈ నేపథ్యంలో ‘ది ప్యారడైజ్’ టికెట్ ధరలకు సంబంధించి కీలక సమాచారం బయటకు వచ్చింది. తెలుగు రాష్ట్రాల్లో సినిమాకు స్వల్పంగా టికెట్ రేట్లు పెంచేందుకు మేకర్స్ ప్రయత్నిస్తున్నట్లు ఇప్పటికే వార్తలు వచ్చాయి. ముఖ్యంగా నైజాం ఏరియాలో టికెట్ ధరల పెంపునకు సంబంధించి దరఖాస్తు కూడా చేసినట్లు సమాచారం.
తాజాగా నాని తన సినిమా తరఫున తెలంగాణ ప్రభుత్వం కోసం సైబర్ క్రైమ్ మోసాలపై ప్రజలకు అవగాహన కల్పించే వీడియోను విడుదల చేశారు. ఈ పరిణామంతో నైజాం మార్కెట్లో ‘ది ప్యారడైజ్’కు టికెట్ రేట్ల పెంపు దాదాపు ఖరారైనట్లుగా సినీ వర్గాల్లో చర్చ జరుగుతోంది.
అయితే టికెట్ ధరల పెంపునకు సంబంధించిన పూర్తి వివరాలు, పెరిగే ధరలు ఎంత అనే అంశంపై అధికారిక జీవో రావాల్సి ఉంది. ప్రభుత్వం నుంచి అధికారిక ఉత్తర్వులు వచ్చిన తర్వాతే దీనిపై పూర్తి స్పష్టత వచ్చే అవకాశం ఉంది.
ఇక ‘ది ప్యారడైజ్’ చిత్రానికి అనిరుధ్ రవిచందర్ సంగీతం అందిస్తున్నారు. ఎస్ఎల్వీ సినిమాస్ బ్యానర్పై ఈ భారీ చిత్రాన్ని నిర్మిస్తున్నారు. నాని, శ్రీకాంత్ ఓదెల కాంబినేషన్లో వస్తున్న ఈ సినిమా విడుదల కోసం ప్రేక్షకులు ఆసక్తిగా ఎదురుచూస్తున్నారు.
