ఐకాన్ స్టార్ అల్లు అర్జున్, దర్శకుడు అట్లీ కాంబినేషన్లో తెరకెక్కుతున్న భారీ ప్రాజెక్ట్ ‘రాకా’పై Raaka రోజురోజుకూ అంచనాలు పెరుగుతున్నాయి. ఇండియన్ సినిమా స్థాయిని మరో మెట్టుకు తీసుకెళ్లేలా ఈ చిత్రాన్ని రూపొందిస్తున్నారని టాక్ ఉండటంతో, అల్లు అర్జున్ అభిమానులతో పాటు సినీ ప్రేక్షకులు కూడా ఈ సినిమా అప్డేట్స్ కోసం ఆసక్తిగా ఎదురుచూస్తున్నారు.
ఇప్పటికే ‘రాకా’కు సంబంధించి పలు ఆసక్తికరమైన విషయాలు బయటకు వస్తుండగా, తాజాగా సినిమా ఫస్ట్ గ్లింప్స్కు సంబంధించిన ఓ కీలక అప్డేట్ సోషల్ మీడియాలో వైరల్ అవుతోంది. ఈ గ్లింప్స్ విడుదలకు సంబంధించిన డేట్ దాదాపు ఖరారైనట్లు తెలుస్తోంది.
ఇటీవల జరిగిన సిగ్మా ఈవెంట్లో దర్శకుడు సీబీ మాట్లాడుతూ ‘రాకా’కు సంబంధించిన విజువల్స్ తాను చూశానని, అవి అద్భుతంగా ఉన్నాయని చెప్పినట్లు సమాచారం. అంతేకాకుండా మరో మూడు రోజుల్లో ఆ ప్రపంచాన్ని ప్రేక్షకులు చూడబోతున్నారని ఆయన చెప్పడంతో, ‘రాకా’ గ్లింప్స్పై ఒక్కసారిగా ఆసక్తి మరింత పెరిగింది.
ఈ నేపథ్యంలో సెప్టెంబర్ 21న ‘రాకా’ ఫస్ట్ గ్లింప్స్ను విడుదల చేయాలని మేకర్స్ ప్లాన్ చేసినట్లు సినీ వర్గాల్లో ప్రచారం జరుగుతోంది. దర్శకుడు అట్లీ పుట్టినరోజు సందర్భంగా ఈ ప్రత్యేక అప్డేట్ను తీసుకురావాలని చిత్రబృందం నిర్ణయించినట్లు తెలుస్తోంది.
అయితే గ్లింప్స్ రిలీజ్ డేట్పై మేకర్స్ నుంచి అధికారిక ప్రకటన రావాల్సి ఉంది. ఒకవేళ సెప్టెంబర్ 21 తేదీ ఖరారైతే, చాలా కాలంగా ఈ సినిమా కోసం ఎదురుచూస్తున్న అభిమానులకు ఇది స్పెషల్ ట్రీట్ కానుంది. మరి ‘రాకా’ ఫస్ట్ గ్లింప్స్ ఎలా ఉండబోతుంది? మేకర్స్ ఎలాంటి విజువల్స్తో ప్రేక్షకులను సర్ప్రైజ్ చేయబోతున్నారు? అనేది త్వరలోనే తెలియనుంది.
