ఐకాన్ స్టార్ అల్లు అర్జున్, దర్శకుడు అట్లీ కాంబినేషన్లో తెరకెక్కుతున్న భారీ చిత్రం ‘రాకా’ Raaka. గ్లోబల్ అప్పీల్ ఉన్న కథాంశంతో, భారీ స్థాయి యాక్షన్, విజువల్స్తో ఈ ప్రాజెక్ట్ను అత్యంత ప్రతిష్టాత్మకంగా రూపొందిస్తున్నట్లు సమాచారం. సినిమాకు సంబంధించిన ప్రతి అంశంపైనా అభిమానుల్లో ఆసక్తి నెలకొంది.
ఇక ‘రాకా’కు యువ సంగీత దర్శకుడు సాయి అభ్యంకర్ సంగీతం అందిస్తున్న సంగతి తెలిసిందే. అయితే ఆయన పేరును మ్యూజిక్ డైరెక్టర్గా ప్రకటించినప్పుడు చాలామంది ఆశ్చర్యపోయారు. అట్లీ గత చిత్రాలకు అనిరుధ్ రవిచందర్ సంగీతం అందించడంతో, ‘రాకా’కు కూడా ఆయననే తీసుకుంటారని అభిమానులు భావించారు.
అయితే సాయి అభ్యంకర్ కంటే ముందుగా ఈ ప్రాజెక్ట్ కోసం మరో ఇద్దరు సంగీత దర్శకుల పేర్లను అట్లీ పరిశీలించినట్లు తాజాగా ఓ ఆసక్తికరమైన విషయం బయటకు వచ్చింది. వారిలో ఒకరు ప్రస్తుతం మంచి ఫామ్లో ఉన్న జీవీ ప్రకాష్ కుమార్ కాగా, మరొకరు అట్లీతో ఇప్పటికే పలు చిత్రాలకు కలిసి పనిచేసిన అనిరుధ్ రవిచందర్ అని సమాచారం.
అట్లీ తన సినిమాల విషయంలో కొంతకాలం తర్వాత సంగీత దర్శకుడిని మార్చుతూ కొత్త కాంబినేషన్లను ప్రయత్నిస్తుంటారని, అందుకే ‘రాకా’ కోసం కూడా ఈ ఇద్దరిలో ఒకరితో పనిచేయాలని తొలుత భావించినట్లు తెలుస్తోంది.
అయితే నిర్మాత మారన్తో జరిగిన చర్చల సమయంలో సాయి అభ్యంకర్ పేరును ఆయన సూచించడంతో పరిస్థితి మారిందట. ఆ తర్వాత సాయి అభ్యంకర్ను ప్రాజెక్ట్లోకి తీసుకున్నట్లు సమాచారం. దీంతో భారీ అంచనాలున్న ‘రాకా’కు సంగీత బాధ్యతలు యువ సంగీత దర్శకుడి చేతుల్లోకి వెళ్లాయి.
మరి సాయి అభ్యంకర్ ఈ భారీ ప్రాజెక్ట్కు ఎలాంటి సంగీతాన్ని అందించారు? అట్లీ, అల్లు అర్జున్ కాంబినేషన్కు ఆయన మ్యూజిక్ ఏ స్థాయిలో ప్లస్ అవుతుంది? అనేది సినిమా విడుదలయ్యాకే పూర్తిగా తెలియనుంది.
