న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న ప్రతిష్టాత్మక చిత్రం ‘ది ప్యారడైజ్’ (The Paradise) ఇప్పటికే భారీ అంచనాలను ఏర్పరుచుకుంది. ప్యూర్ యాక్షన్ డ్రామాగా రూపొందుతున్న ఈ సినిమా టాలీవుడ్ బాక్సాఫీస్ను షేక్ చేయడం ఖాయమని చిత్ర బృందం ధీమాగా చెబుతోంది. నాని–శ్రీకాంత్ ఓదెల జోడీ నుంచి మరోసారి సెన్సేషనల్ హిట్ వస్తుందనే నమ్మకం అభిమానుల్లో బలంగా ఉంది.
మొదటగా ఈ చిత్రాన్ని వేసవిలో, మార్చి నెలలో విడుదల చేయాలని మేకర్స్ ప్లాన్ చేశారు. అయితే షూటింగ్ ఆలస్యం కారణంగా రిలీజ్ డేట్ను ఆగస్టుకు వాయిదా వేశారు. ఈ నేపథ్యంలో నాని సినిమా రషెస్ చూసి కొన్ని సన్నివేశాలను రీషూట్ చేస్తున్నాడంటూ సోషల్ మీడియాలో వార్తలు వైరల్ అయ్యాయి. దీంతో సినిమా మరింత ఆలస్యమవుతుందనే ప్రచారం మొదలైంది.
ఈ రూమర్లపై మేకర్స్ ఘాటుగా స్పందించారు. ‘ది ప్యారడైజ్’కు సంబంధించి ఎలాంటి రీషూటింగ్ జరగడం లేదని, ప్రస్తుతం షూటింగ్ వేగంగా కొనసాగుతోందని స్పష్టం చేశారు. సినిమాలో ఒక్క సీన్ కూడా రీషూట్ చేయలేదని, ఇలాంటి అవాస్తవ వార్తలను ప్రచారం చేయవద్దని వారు కోరారు.
ఈ చిత్రంలో కయాదు లోహర్ హీరోయిన్గా నటిస్తుండగా, మోహన్ బాబు కీలకమైన విలన్ పాత్రలో కనిపించనున్నారు. అనిరుధ్ రవిచందర్ సంగీతం అందిస్తున్న ఈ సినిమాను సుధాకర్ చెరుకూరి భారీ బడ్జెట్తో నిర్మిస్తున్నారు. ‘ది ప్యారడైజ్’పై అంచనాలు రోజురోజుకీ మరింత పెరుగుతున్నాయి.