మెగా పవర్ స్టార్ రామ్ చరణ్ నటిస్తున్న మోస్ట్ అవైటెడ్ మూవీ ‘పెద్ది’ ప్రస్తుతం ప్రమోషన్స్తో సోషల్ మీడియాలో ఫుల్ హీట్ క్రియేట్ చేస్తోంది. దర్శకుడు బుచ్చిబాబు సానా తెరకెక్కిస్తున్న ఈ రూరల్ స్పోర్ట్స్ డ్రామాలో పెహల్వాన్ పెద్ది పాత్రలో చరణ్ చూపించబోయే మ్యాజిక్ కోసం అభిమానులు ఆసక్తిగా ఎదురుచూస్తున్నారు. యాక్షన్తో పాటు గట్టి ఎమోషన్ కూడా ఈ సినిమాకు మేజర్ స్ట్రెంగ్త్గా ఉండబోతోందని చిత్ర బృందం చెబుతోంది.
ఈ కథను ముందుకు నడిపించే కీలక పాత్రల్లో ఒకటిగా జగపతి బాబు పోషిస్తున్న అప్పల సూరి క్యారెక్టర్ నిలవనుందట. విలక్షణ నటనకు చిరునామాగా నిలిచిన జగపతి బాబు, ఈసారి పూర్తిగా భిన్నమైన షేడ్స్ ఉన్న పాత్రలో కనిపించబోతున్నారు. ప్రత్యేకమైన లుక్తో పాటు బలమైన భావోద్వేగాలతో అప్పల సూరి పాత్ర ప్రేక్షకులను ఆకట్టుకునేలా ఉండబోతోందని సమాచారం.
ఇక ఈ సినిమాలో అప్పల సూరి, పెద్ది తండ్రిగా కనిపించనున్నాడట. ఫస్ట్ హాఫ్లో పెద్ది ప్రయాణాన్ని ప్రభావవంతంగా మలిచే పాత్రగా, ఇంటర్వెల్ బ్లాక్లో హీరోకి ఒక స్పష్టమైన లక్ష్యాన్ని ఇచ్చే కీలక మలుపుగా ఈ క్యారెక్టర్ ఉండబోతుందట. గతంలో ‘రంగస్థలం’లో చరణ్కు ప్రత్యర్థిగా కనిపించిన జగపతి బాబు, ఈసారి పూర్తిగా పాజిటివ్ షేడ్స్తో భావోద్వేగానికి గుండెగా మారనున్నాడు.
బుచ్చిబాబు ఈ పాత్రను ఏ స్థాయిలో తీర్చిదిద్దారన్నది సినిమా విడుదలయ్యాకే స్పష్టమవుతుంది. కానీ అప్పల సూరి పాత్ర మాత్రం పెద్ది కథకు నిజమైన ప్రాణంగా నిలుస్తుందనే టాక్ మాత్రం ఇప్పటి నుంచే వినిపిస్తోంది.