టాలీవుడ్లో తెరకెక్కిన సైకలాజికల్ డ్రామా థ్రిల్లర్ ‘వదలా’ Vadala ఇప్పుడు మరో ఓటీటీ వేదికపైకి రాబోతోంది. జగపతి బాబు, లయ, హృతిక శ్రీనివాస్ ప్రధాన పాత్రల్లో నటించిన ఈ సినిమాకు వంశీకృష్ణ ఆకెళ్ల దర్శకత్వం వహించారు. జూలై 17న థియేటర్లలో విడుదలైన ఈ చిత్రం బాక్సాఫీస్ వద్ద ఆశించిన స్థాయిలో విజయాన్ని అందుకోలేకపోయింది.
థియేట్రికల్ రన్ అనంతరం ఇప్పటికే అమెజాన్ ప్రైమ్ వీడియోలో స్ట్రీమింగ్ అవుతున్న ‘వదలా’.. తాజాగా మరో డిజిటల్ ప్లాట్ఫామ్లోకి అడుగుపెట్టనుంది. ప్రముఖ తెలుగు ఓటీటీ ప్లాట్ఫామ్ ఈటీవీ విన్లో సెప్టెంబర్ 3 నుంచి ఈ సినిమా స్ట్రీమింగ్ కానుంది. దీంతో ఇప్పటివరకు సినిమాను చూడని మరింత మంది తెలుగు ప్రేక్షకులకు ‘వదలా’ అందుబాటులోకి రానుంది.
ఈ సైకలాజికల్ థ్రిల్లర్లో అవసరాల శ్రీనివాస్, రవి వర్మ, శ్రేయ సింగ్ తదితరులు కీలక పాత్రలు పోషించారు. కార్తీక్ కొడకండ్ల చిత్రానికి సంగీతం అందించారు. కిషోర్ నాయుడు, తమ్మారెడ్డి భరద్వాజ సంయుక్తంగా ఈ సినిమాను నిర్మించారు.
థియేటర్లలో ఆశించిన ఫలితాన్ని అందుకోలేకపోయిన ఈ సినిమా ఓటీటీ ప్రేక్షకులను ఎంతవరకు ఆకట్టుకుంటుందనేది ఆసక్తికరంగా మారింది. ఇప్పటికే ఒక ఓటీటీలో స్ట్రీమింగ్ అవుతున్న ‘వదలా’.. ఇప్పుడు ఈటీవీ విన్లో ఎలాంటి స్పందనను సొంతం చేసుకుంటుందో చూడాలి.
