నందమూరి నటసింహం బాలకృష్ణ ప్రస్తుతం తన కెరీర్లో 111వ సినిమాను దర్శకుడు గోపీచంద్ మలినేనితో తెరకెక్కిస్తున్న విషయం తెలిసిందే. ‘వీరసింహా రెడ్డి’ తర్వాత మళ్లీ ఈ కాంబినేషన్ కావడంతో ఈ ప్రాజెక్ట్పై మొదటి నుంచే భారీ అంచనాలు నెలకొన్నాయి. ఇదిలా ఉంటే, ఈ సినిమా అనంతరం 112వ చిత్రాన్ని దర్శకుడు కొరటాల శివతో చేయడానికి బాలయ్య ఇప్పటికే గ్రీన్ సిగ్నల్ ఇచ్చారు.
ఇక జూన్ నెలలో బాలయ్య ఫ్యాన్స్కు అసలైన సెలబ్రేషన్ మూడ్ రాబోతోంది. ఆయన పుట్టినరోజు సందర్భంగా జూన్ 10న గోపీచంద్ మలినేని దర్శకత్వంలో తెరకెక్కుతున్న NBK111 మూవీ ఫస్ట్ గ్లింప్స్తో పాటు టైటిల్ను రిలీజ్ చేయనున్నట్లు సమాచారం. అంతేకాదు, కొరటాల శివ ప్రాజెక్ట్కు సంబంధించిన ఓ స్పెషల్ వీడియోను కూడా అదే సమయంలో విడుదల చేయాలని మేకర్స్ ప్లాన్ చేస్తున్నారట.
అంటే బాలయ్య బర్త్డే రోజున రెండు సినిమాల నుంచి రెండు బిగ్ అప్డేట్స్… ఫ్యాన్స్కు ఇది డబుల్ బొనాంజా అనడంలో ఎలాంటి సందేహం లేదు. జూన్ 10కి బాలయ్య అభిమానుల సోషల్ మీడియా పండగే అనిపిస్తోంది!