మ్యాన్ ఆఫ్ మాసెస్ ఎన్టీఆర్ హీరోగా, దర్శకుడు ప్రశాంత్ నీల్ కాంబినేషన్లో తెరకెక్కుతున్న భారీ ప్రాజెక్ట్ “డ్రాగన్” పై అంచనాలు రోజురోజుకీ ఆకాశాన్ని తాకుతున్నాయి. ఈ సినిమా టైటిల్ను మేకర్స్ మే 20న అధికారికంగా ప్రకటించనున్న సంగతి తెలిసిందే. అదే రోజు ఎన్టీఆర్ పుట్టినరోజు కావడంతో, అభిమానులకు అదిరిపోయే ట్రీట్ కూడా ప్లాన్ చేశారు.
తారక్ బర్త్డే స్పెషల్గా ఫస్ట్ పోస్టర్తో పాటు పవర్ఫుల్ గ్లింప్స్ను రిలీజ్ చేయనున్నట్టు ఇప్పటికే క్లారిటీ ఇచ్చారు. మే 20 అర్ధరాత్రి పుట్టినరోజు మొదలైన వెంటనే గ్లింప్స్ డ్రాప్ అవుతుందన్న టాక్ పాన్ ఇండియా స్థాయిలో హాట్ టాపిక్గా మారింది. అయితే ఖచ్చితమైన టైమింగ్ మాత్రం ఇప్పటివరకు రివీల్ కాలేదు.
ఇప్పుడు లేటెస్ట్ బజ్ ఏంటంటే… ఎన్టీఆర్ లక్కీ నెంబర్ అయిన 9ని ఫాలో అవుతూ, గ్లింప్స్ను 12 గంటల 6 నిమిషాలకి రిలీజ్ చేయాలన్న ప్లాన్లో మేకర్స్ ఉన్నారట. ఇది ఎంతవరకు నిజమో తెలియాలంటే అధికారిక అనౌన్స్మెంట్ వచ్చే వరకు వెయిట్ చేయాల్సిందే.
ఇక ఈ చిత్రంలో రుక్మిణి వసంత్ హీరోయిన్గా నటిస్తుండగా, సినిమాను ఇంటర్నేషనల్ స్టాండర్డ్స్లో తెరకెక్కిస్తున్నారు. భారీ అంచనాల మధ్య “డ్రాగన్” మూవీ వచ్చే ఏడాది జూన్ 11న గ్రాండ్గా థియేటర్లలోకి రానుంది. ఎన్టీఆర్ ఫ్యాన్స్కి ఇది నిజంగా లక్కీ డేట్ అవుతుందా అన్నది చూడాలి.