దక్షిణాది సినీ పరిశ్రమలో అపారమైన ఫ్యాన్ బేస్ ఉన్న స్టార్ హీరోల్లో దళపతి విజయ్ జోసెఫ్ (Thalapathy Vijay) ఒకరు. కథాపరంగా సినిమాలు ఎంతవరకు వర్క్ అయినా కాకపోయినా, ఆయన సినిమాలకు వచ్చే వసూళ్లు మాత్రం ఎప్పుడూ భారీగానే ఉంటాయి. అలాంటి విజయ్ రాజకీయాల్లోకి అడుగుపెట్టి, ఎవ్వరూ ఊహించని స్థాయిలో క్రేజ్ సంపాదించుకోవడం ఇప్పుడు హాట్ టాపిక్గా మారింది.
తాజాగా విజయ్ మరో అరుదైన ఘనత సాధించాడు. IMDbలోని ఇండియన్ సెలెబ్రిటీస్ లిస్ట్లో గత వారం వరకు 21వ స్థానంలో ఉన్న విజయ్, ఇప్పుడు ఏకంగా ఇండియా మొత్తంలో రెండో స్థానానికి చేరుకోవడం విశేషం. ఎన్నికల అనంతరం విజయ్ గురించి భారీ స్థాయిలో సెర్చ్లు జరగడంతోనే ఈ రికార్డ్ సాధ్యమైందని సమాచారం.
దీనితో విజయ్ క్రేజ్ సినిమా రంగాన్ని దాటి, దేశవ్యాప్తంగా నెక్స్ట్ లెవెల్కు వెళ్లిందని చెప్పొచ్చు. ఇక రాజకీయాల మధ్య విజయ్ నుంచి రాబోయే చివరి సినిమా ‘జన నాయగన్’కు ఎలాంటి స్పందన వస్తుందో చూడాల్సి ఉంది. స్టార్ పవర్ అంటే ఇదే అని మరోసారి ప్రూవ్ చేశాడు దళపతి విజయ్.