కోలీవుడ్లో రాజకీయాల్లో అడుగుపెట్టిన సినీ తారలు కొత్తేమీ కాదు. తాజాగా దళపతి విజయ్ (vijay thalapathy)చారిత్రాత్మక విజయంతో అసెంబ్లీలో అడుగుపెట్టడం పెద్ద చర్చకు దారితీసింది. అదే వేదికపై మాజీ ఉప ముఖ్యమంత్రి, నటుడు ఉదయనిధి స్టాలిన్ కూడా హాజరుకావడం, ఆయన చేసిన వివాదాస్పద వ్యాఖ్యలపై విజయ్ నుంచి ఎలాంటి స్పందన లేకపోవడం ఇప్పుడు సోషల్ మీడియాలో తీవ్ర విమర్శలకు కారణమవుతోంది.
గత కొంతకాలంగా ఉదయనిధి స్టాలిన్ చేసిన “సనాతన ధర్మం నిర్మూలన” వ్యాఖ్యలు పెద్ద దుమారం రేపిన సంగతి తెలిసిందే. తాజాగా అదే అంశాన్ని అసెంబ్లీలో, విజయ్ సమక్షంలోనే మరోసారి ప్రస్తావించి ప్రసంగం ముగించారు. అయితే ఈ వ్యాఖ్యలపై విజయ్ నుంచి కనీస స్పందన కూడా కనిపించకపోవడం నెటిజన్స్ను మరింత ఆగ్రహానికి గురిచేస్తోంది.
ఎన్నికల ముందు “అన్ని మతాలు సమానమే” అని చెప్పిన విజయ్, ఒక మతాన్ని లక్ష్యంగా చేసుకుని వ్యాఖ్యలు వచ్చినప్పుడు ఎందుకు ఖండించలేదని నెటిజన్స్ ప్రశ్నిస్తున్నారు. ఈ వ్యవహారంపై విజయ్ వైపు నుంచి ఏమైనా క్లారిటీ లేదా చర్య వస్తుందా అనే ఆసక్తి ఇప్పుడు రాజకీయ వర్గాల్లోనూ, సోషల్ మీడియాలోనూ కొనసాగుతోంది.