హీరోయిన్లు కాలానికి, అవకాశాలకు అనుగుణంగా తమను తాము మార్చుకుంటూ ముందుకు సాగాలి. అప్పుడే వారు లైమ్లైట్లో నిలబడతారు. ప్రస్తుతం Keerthy Suresh కూడా అలాంటి దశలోనే ఉన్నారు. పెళ్లి తర్వాత ఆమెలో కనిపిస్తున్న మార్పులపై నెటిజన్లు ఇప్పటికే చర్చ మొదలుపెట్టగా, లుక్ గురించి వస్తున్న సర్జరీ వార్తలకు కీర్తి స్వయంగా సమాధానం చెప్పారు.
ఇన్స్టాగ్రామ్ వేదికగా ఓ పోస్ట్ చేసిన కీర్తి, “ఈ విషయం పంచుకోవడానికి ఇదే సరైన సమయం అనిపించింది. నా ఫిట్నెస్ ప్రయాణం గురించి నేను ఇప్పటివరకు పెద్దగా మాట్లాడలేదు. అదే నాకు అతి పెద్ద గురువు” అని పేర్కొన్నారు.
ఆమె తన కెరీర్ ప్రారంభ రోజుల్ని గుర్తు చేస్తూ, “2013లో నటిగా అడుగుపెట్టినప్పుడు ఫిట్నెస్పై పెద్దగా అవగాహన లేదు. జిమ్ నా కోసం కాదని అనుకునేదాన్ని. కానీ ‘మహానటి’ తర్వాత వచ్చిన విరామంలో అధిక ప్రోటీన్, తక్కువ కార్బోహైడ్రేట్లతో కూడిన డైట్ను ఫాలో అయ్యాను. దాంతో తొమ్మిది నెలల్లో పది కిలోలు తగ్గాను” అని వెల్లడించారు.
అయితే ఆ మార్పును చూసి కొందరు “చాలా వీక్ అయిపోయింది”, “సర్జరీలు చేయించుకుంది” అంటూ వ్యాఖ్యలు చేశారని కీర్తి చెప్పారు. అనంతరం 2020లో యోగా మొదలుపెట్టిన తర్వాత తన జీవితంలో గొప్ప మార్పు వచ్చిందని, “ఒకప్పుడు నాకు ఇష్టం లేనిది… ఇప్పుడు అస్సలు వదిలిపెట్టుకోలేనిదిగా మారింది” అంటూ తన ఫిట్నెస్ ప్రయాణాన్ని నిజాయితీగా పంచుకున్నారు.