తమిళ స్టార్ హీరో సూర్య అభిమానులు ఎన్నాళ్లుగానో ఎదురుచూస్తున్న గ్రాండ్ కంబ్యాక్, తాజా చిత్రం కరుప్పు (Karuppu) తో నిజమైంది. దర్శకుడు ఆర్జే బాలాజీ తెరకెక్కించిన ఈ ఫాంటసీ యాక్షన్ మూవీ, తమిళంతో పాటు తెలుగులోనూ మంచి వసూళ్లతో దూసుకుపోతోంది.
ఇప్పటికే బాక్సాఫీస్ దగ్గర సాలిడ్ టాక్ తెచ్చుకున్న ఈ సినిమాకు తాజాగా మరో అరుదైన ఘనత దక్కింది. సాధారణంగా స్టార్ హీరో సినిమాలైతే మొదటి రోజే భారీ ఓపెనింగ్స్ వస్తాయి. కానీ కరుప్పు/వీర భద్రుడు విషయంలో మాత్రం సీన్ తలక్రిందులైంది. ఓపెనింగ్ డే కంటే వర్కింగ్ డే అయిన సోమవారం వసూళ్లు ఎక్కువగా నమోదు కావడం నిజంగా నెక్స్ట్ లెవల్ ఫీట్.
ఈ విశేషాన్ని నిర్మాత స్వయంగా కన్ఫర్మ్ చేయడం ఇప్పుడు ఇండస్ట్రీలో హాట్ టాపిక్గా మారింది. డే 1 హైప్ కంటే, డే 4 స్ట్రెంగ్త్ ఎక్కువగా ఉండటం అంటే సినిమాకు మాటలకన్నా మౌత్ టాక్ బలంగా పని చేస్తోందని చెప్పక తప్పదు.