పాన్ ఇండియా స్థాయిలో ప్రేక్షకులు ఆసక్తిగా ఎదురుచూస్తున్న సినిమాల్లో మెగాపవర్ స్టార్ రామ్ చరణ్ హీరోగా నటిస్తున్న మల్టీ స్పోర్ట్స్ డ్రామా పెద్ది (Peddi) ఒకటి. ఈ సినిమాకు భారీ అంచనాలు ఉండగా, తాజాగా విడుదలైన ట్రైలర్కు అద్భుతమైన స్పందన లభిస్తోంది.
ఈ ట్రైలర్పై కన్నడ స్టార్, కాంతార ఫేమ్ రిషబ్ శెట్టి స్పందిస్తూ ప్రశంసలు కురిపించారు. “పెద్ది ట్రైలర్ చాలా పవర్ఫుల్గా ఉంది. రామ్ చరణ్ ప్రతి ఫ్రేమ్లో ఫైర్ చూపిస్తూ స్టన్నింగ్గా కనిపించాడు. అలాగే శివ రాజ్ కుమార్ స్క్రీన్ ప్రెజెన్స్ ట్రైలర్కు మరింత ఇంపాక్ట్ తీసుకొచ్చింది” అని అన్నారు.
ఇక జాన్వీ కపూర్ అందంగా కనిపించిందని, దర్శకుడు బుచ్చిబాబు అద్భుతమైన పని చేశారని కొనియాడుతూ సినిమా యూనిట్ మొత్తానికి తన బెస్ట్ విషెస్ తెలిపారు. దీంతో పెద్ది ట్రైలర్పై రిషబ్ శెట్టి స్పందన ప్రస్తుతం సోషల్ మీడియాలో హాట్ టాపిక్గా మారింది.