నేచురల్ స్టార్ నాని హీరోగా నటిస్తున్న మోస్ట్ అవైటెడ్ మూవీ ‘ప్యారడైజ్’ The Paradise. ‘దసరా’తో నాని, దర్శకుడు శ్రీకాంత్ ఓదెల కాంబినేషన్కు వచ్చిన క్రేజ్ను దృష్టిలో పెట్టుకుని ఈ సినిమాపై భారీ అంచనాలు నెలకొన్నాయి. ఇప్పటికే ఈ మూవీ నుంచి విడుదలైన పోస్టర్స్, టీజర్స్, పాటలు సినిమాపై ఆసక్తిని మరింత పెంచాయి.
ముఖ్యంగా ఇటీవల విడుదలైన ‘ఆయా షేర్’ సాంగ్ సోషల్ మీడియాలో సెన్సేషన్ క్రియేట్ చేసింది. యూట్యూబ్లో భారీ వ్యూస్ సొంతం చేసుకుంటూ దూసుకెళ్లిన ఈ పాట సినిమాపై ఉన్న హైప్ను మరో స్థాయికి తీసుకెళ్లింది. ఇప్పుడు తాజాగా ‘ప్యారడైజ్’ నుంచి మరో క్రేజీ అప్డేట్ వచ్చింది.
ఎప్పటి నుంచో ఈ సినిమాలో తెలంగాణలో బాగా పాపులర్ అయిన ‘ఏష నాగుల కట్ట మీద’ పాటను ఉపయోగించబోతున్నారనే ప్రచారం జరుగుతోంది. ఆ వార్తలను నిజం చేస్తూ చిత్రబృందం తాజాగా ఈ పాటను సెకండ్ సింగిల్గా విడుదల చేసింది. అమెరికాలోని డల్లాస్లో ఈ సాంగ్ను గ్రాండ్గా లాంచ్ చేశారు.
అనిరుద్ రవిచందర్ ఈ పాటకు అదిరిపోయే మ్యూజిక్ అందించినట్లు తెలుస్తోంది. తెలంగాణ జానపద ఫ్లేవర్కు తన స్టైల్ను జోడించి పాటను మరింత ఎనర్జిటిక్గా తీర్చిదిద్దినట్లు సమాచారం. సినిమాలో ఈ పాట ప్రత్యేక ఆకర్షణగా నిలవబోతుందని చిత్రబృందం భావిస్తోంది.
ఇక ఈ సాంగ్లో అందాల భామ కీర్తి సురేష్ కూడా కనిపించనున్నట్లు తెలుస్తోంది. నాని, కీర్తి సురేష్ కాంబినేషన్లో వచ్చే ఈ పాట థియేటర్లలో ప్రేక్షకులకు మంచి కిక్ ఇవ్వడం ఖాయమనే టాక్ వినిపిస్తోంది.
అంతేకాదు, ఈ పాట కోసం హైదరాబాద్లో భారీ స్థాయిలో ప్రత్యేకమైన సెట్ను నిర్మించినట్లు సమాచారం. భారీ ఖర్చుతో రూపొందించిన ఈ సెట్లోనే పాటకు సంబంధించిన కీలక సన్నివేశాలను చిత్రీకరించనున్నారట. దాదాపు 1000 మందికి పైగా జూనియర్ ఆర్టిస్టులు, డ్యాన్సర్లతో ఈ పాటను గ్రాండ్గా కంపోజ్ చేయనున్నట్లు తెలుస్తోంది.
తెలంగాణ నేటివిటీ, భారీ సెటప్, అనిరుద్ మ్యూజిక్, నాని ఎనర్జీ కలిస్తే ఈ సాంగ్ థియేటర్లలో మంచి మాస్ ట్రీట్ ఇవ్వడం ఖాయమనే అంచనాలు ఉన్నాయి. మరి ‘ప్యారడైజ్’ సెకండ్ సింగిల్ ప్రేక్షకులను ఏ స్థాయిలో ఆకట్టుకుంటుందో చూడాలి.
