‘బలగం’ సినిమాతో దర్శకుడిగా తనకంటూ ప్రత్యేకమైన గుర్తింపు తెచ్చుకున్న కమెడియన్ వేణు ఇప్పుడు మరో ఆసక్తికరమైన కథతో ప్రేక్షకుల ముందుకు వచ్చేందుకు సిద్ధమవుతున్నాడు. తెలంగాణ గ్రామీణ నేపథ్యాన్ని ఎంతో సహజంగా తెరపై ఆవిష్కరించిన ‘బలగం’ భారీ విజయాన్ని అందుకోవడంతో పాటు జాతీయ స్థాయిలో ప్రశంసలు అందుకుంది. ఈ సినిమాకు నేషనల్ అవార్డు కూడా దక్కింది.
కమెడియన్గా తన కెరీర్ను ప్రారంభించిన వేణు సినిమాలు, టెలివిజన్ షోలలో తనదైన కామెడీతో ప్రేక్షకులను అలరించాడు. జబర్దస్త్ వంటి కామెడీ షోల ద్వారా కూడా మంచి గుర్తింపు తెచ్చుకున్నాడు. ఆ తర్వాత దర్శకుడిగా మారి తెరకెక్కించిన తొలి చిత్రం ‘బలగం’తో తనలోని మరో కోణాన్ని ప్రేక్షకులకు పరిచయం చేశాడు.
‘బలగం’ తర్వాత కొంత గ్యాప్ తీసుకున్న వేణు ఇప్పుడు ‘ఎల్లమ్మ’ Yellamma సినిమాతో ప్రేక్షకుల ముందుకు వస్తున్నాడు. ఈ సినిమాలో రాక్ స్టార్ దేవి శ్రీ ప్రసాద్ హీరోగా పరిచయం అవుతున్నాడు. ఇప్పటికే విడుదలైన పోస్టర్స్, గ్లింప్స్ సినిమాపై ఆసక్తిని పెంచాయి. ప్రస్తుతం ఈ మూవీ షూటింగ్ శరవేగంగా జరుగుతున్నట్లు తెలుస్తోంది.
ఇక ‘ఎల్లమ్మ’లో దేవి శ్రీ ప్రసాద్కు జోడీగా నటించే హీరోయిన్ ఎవరనే విషయంపై మొదటి నుంచీ ఆసక్తి నెలకొంది. దేవి శ్రీ ప్రసాద్ తొలిసారి హీరోగా నటిస్తుండటంతో ఆయన పక్కన ఏ హీరోయిన్ను ఎంపిక చేస్తారనే క్యూరియాసిటీ అభిమానుల్లో ఉంది.
మొదట ఈ సినిమాలో హీరోయిన్గా సాయి పల్లవి నటించబోతున్నట్లు వార్తలు వచ్చాయి. ఆ తర్వాత ఆమె స్థానంలో కీర్తి సురేష్ పేరు వినిపించింది. అనంతరం మృణాల్ ఠాకూర్ కూడా హీరోయిన్గా నటించబోతున్నారనే ప్రచారం జరిగింది. ఇలా వరుసగా పలువురు హీరోయిన్ల పేర్లు వినిపించినప్పటికీ ఇప్పటివరకు అధికారికంగా ఎలాంటి ప్రకటన రాలేదు.
తాజాగా మరో యంగ్ హీరోయిన్ పేరు తెరపైకి వచ్చింది. ఆమె మరెవరో కాదు అనంతిక. ‘మ్యాడ్’ సినిమాతో మంచి గుర్తింపు తెచ్చుకున్న ఈ ముద్దుగుమ్మ ఆ తర్వాత ‘ఎనిమిది వసంతాలు’లోనూ నటించింది. ప్రస్తుతం ‘రోమాంచికం’ వంటి సినిమాలతో బిజీగా ఉంది.
ఇక తాజా సమాచారం ప్రకారం అనంతిక ‘ఎల్లమ్మ’ సినిమాలో హీరోయిన్గా నటించే అవకాశాలు ఉన్నట్లు టాక్ వినిపిస్తోంది. ఇప్పటికే ఆమెకు టెస్ట్ కట్ కూడా నిర్వహించినట్లు, దాదాపుగా హీరోయిన్గా ఫిక్స్ అయినట్లు సినీ వర్గాల్లో చర్చ జరుగుతోంది. అయితే దీనిపై చిత్రబృందం నుంచి అధికారిక ప్రకటన రావాల్సి ఉంది.
ఒకవేళ అనంతికే హీరోయిన్గా ఫిక్స్ అయితే, దేవి శ్రీ ప్రసాద్తో ఆమె జోడీ సినిమాకు మరో ఆకర్షణగా మారే అవకాశం ఉంది. మరి ఇంతకాలం సస్పెన్స్గా ఉన్న ‘ఎల్లమ్మ’ హీరోయిన్ విషయంలో చిత్రబృందం ఎప్పుడు క్లారిటీ ఇస్తుందో చూడాలి.