భారతరత్న, దిగ్గజ కర్ణాటక సంగీత విద్వాంసురాలు ఎం.ఎస్. సుబ్బులక్ష్మి జీవిత కథ ఆధారంగా తెరకెక్కుతున్న ప్రతిష్టాత్మక బయోపిక్పై సినీ వర్గాల్లో ఆసక్తి నెలకొంది. ఈ చిత్రంలో టైటిల్ పాత్ర కోసం సాయిపల్లవిని తొలుత అనుకున్నట్లు వార్తలు వచ్చాయి. అయితే కాల్షీట్ల సమస్యల కారణంగా ఆమె ఈ ప్రాజెక్ట్ నుంచి తప్పుకున్నట్లు సమాచారం.
తాజా సమాచారం ప్రకారం, ఎం.ఎస్. సుబ్బులక్ష్మి పాత్రలో నటించేందుకు నేషనల్ క్రష్ రష్మిక మందన్నను Rashmika Mandanna మేకర్స్ సంప్రదించినట్లు తెలుస్తోంది. ప్రస్తుతం ఆమె ఈ పాత్రకు ఖరారైనట్లు సినీ వర్గాల్లో ప్రచారం జరుగుతోంది. అయితే దీనిపై అధికారిక ప్రకటన రావాల్సి ఉంది.
ఎం.ఎస్. సుబ్బులక్ష్మి వంటి దిగ్గజ కళాకారిణి పాత్రను తెరపై ఆవిష్కరించడం ఏ నటికైనా పెద్ద సవాలే. ఆమె సంగీత ప్రతిభతో పాటు హుందాతనం, వ్యక్తిత్వం, జీవన విధానాన్ని కూడా ప్రేక్షకులకు నమ్మదగిన రీతిలో చూపించాల్సి ఉంటుంది. ఈ నేపథ్యంలో రష్మికకు ఈ పాత్ర దక్కితే, ఆమె కెరీర్లోనే ఇదొక కీలకమైన ప్రాజెక్ట్గా నిలిచే అవకాశం ఉంది.
మరోవైపు, ఎం.ఎస్. సుబ్బులక్ష్మి జయంతి సందర్భంగా సెప్టెంబర్ 16న ఈ బయోపిక్కు సంబంధించిన అధికారిక ప్రకటన వచ్చే అవకాశం ఉందని తెలుస్తోంది. అదే సమయంలో హీరోయిన్ ఎవరనే విషయంపై కూడా మేకర్స్ స్పష్టత ఇచ్చే అవకాశం ఉంది.
రాక్లైన్ వెంకటేష్, అల్లు అరవింద్, బన్నీ వాస్ సంయుక్తంగా నిర్మిస్తున్న ఈ చిత్రానికి గౌతమ్ తిన్ననూరి దర్శకత్వం వహిస్తున్నారు. సెప్టెంబర్ 16న విడుదల కానున్న అధికారిక ప్రకటనతో ఈ ప్రతిష్టాత్మక ప్రాజెక్ట్కు సంబంధించిన మరిన్ని వివరాలు వెలుగులోకి రానున్నాయి.
